የተልዕኮ መንፈሳዊ ትምህርት

የደብረ ገሊላ ዐማኑኤል ካቴድራል እግዚአብሔር ምስሌነ ሰንበት ት/ቤት

በትምህርት፣ በሥራ ቦታ ርቀት እና በተለያዩ ምክንያቶች ቃለ እግዚአብሔርን በአካል ተገኝተው መማር ላልቻሉ ምእመናን ሰንበት ት/ቤታችብ መንፈሳዊ ትምህርት ባሉበት ሆነው እንዲማሩ አዘጋጅቶ ይጠብቃችኋል፡፡

በመሆኑም በተመችዎት ጊዜ እና ቀን በአካል ወይም በወኪል በመምጣት ተመዝግበው መማር ይችላሉ፡፡

ሁሌም ምዝገባ አለ ሁሌም ትምህርት ይሰጣል፡፡

ትምህርቱን ለመመዝገብና ለመጀመር

1.      በአካልም ሆነ በወኪል ሰንበት ትምህርት ቤት መገኘት ይጠበቅብዎታል፡፡

2.      በወኪል የሚያስተምሩት ተማሪ ካለ ሙሉ መረጃውን መያዝ ይጠበቅብዎታል፡፡

ለበለጠ መረጃ

👉 ስልክ፡ 0118 68 20 34/ 0973952122/23

ጥቅምት 14 ቀን የሚከበሩ ዓመታዊ የቅዱሳን በዓላት

” አቡነ አረጋዊ ዘደብረ ዳሞ”

በሃገራችን ስም አጠራራቸው ከከበረ አባቶች አንዱ እኒህ ጻድቅ ናቸው:: ጻድቁ የተወለዱት በ5ኛው መቶ ክ/ዘመን አጋማሽ ኣካባቢ ሲሆን ወላጆቻቸው ንጉሥ ይስሐቅና ቅድስት እድና ይባላሉ:: የተለወለዱበት አካባቢም ሮም ነው::

ስማቸው ብዙ ዓይነት ነው:: ወላጆቻቸው ዘሚካኤል ሲሏቸው በበርሃ ገብረ አምላክ ተብለዋል:: በኢትዮዽያ ደግሞ አረጋዊ ይባላሉ:: አቡነ አረጋዊ ምንም የንጉሥ ልጅ ቢሆኑም በልጅነታቸው መጻሕፍትን ተምረው ነበርና ጠፍተው ገዳም ገቡ::

Continue reading “ጥቅምት 14 ቀን የሚከበሩ ዓመታዊ የቅዱሳን በዓላት”

መዳን በጌታ ስለሆነ ቅዱሳን አያድኑምን?

አንድን የመጽሐፍ ቅዱስ ጥቅስ በመውሰድ ቃሉ ለተጻፈበት ዓለማ ወይም ለሚያስተላልፈው መልእክት ሳይሆን እነርሱ ለሚፈልጉት የተቃርኖ አስተያየት የሚጠቀሙ ሰዎች ለዚሁ አካሔድ ከሚጠቀሙባቸው ሐሳቦች መካከል አንዱ የጌታችንን ማዳን ከቅዱሳን አዳኝነት ጋር የሚቀናቀን ወይም የሚጻረር አድርገው ማቅረባቸው ነው፡፡

*** የዚህ ሐሳብ አቅራቢዎች የጌታን አዳኝነት የሚገልጡ የመጽሐፍ ቅዱስ ጥቅሶችን መሠረት አድርገው ይነሡና መዳን በጌታ ከሆነ ቅዱሳን አያድኑም ማለት ነው ብለው ይከራከራሉ፡፡ እነዚህ ወገኖች የጌታን አዳኝነት ከቅዱሳን አዳኝነት ጋር እንደ ተቀናቃኝ ማሰባቸው ስሕተት ነው፡፡ የቅዱሳን አዳኝነት የጌታን አዳኝነት ይበልጥ የሚያረጋግጥ እንጂ የሚቃወም እንዳልሆነ በመጽሐፍ ቅዱስ የተቀመጠውን ልብ ቢሉ ከዚህ ስሕተት ይድኑ ነበር፡፡

~~በመጀመሪያ ደረጃ የቅዱሳን አዳኝነት እራሳቸው ቅዱሳኑ የፈጠሩትና በገዛ ኃይላቸው የሚፈጽሙት ሳይሆን ከአምላክ የተቀበሉት ነው፡፡ ስለዚህ እነርሱ ቢያድኑም በእነርሱ ውስጥ ይህን የማዳን ሥራ የሚሠራው እርሱ አምላካቸው ነው፡፡

Continue reading “መዳን በጌታ ስለሆነ ቅዱሳን አያድኑምን?”

በስመ አብ ወወልድ ወመንፈስ ቅዱስ አሐዱ አምላክ አሜን!!!

ይድረስ ለወንድሜ ተስፋ እግዚአብሔር! እንደምን ሰንብተኻል? እኔ ቸሩ እግዚአብሔር ይመስገን ደኅና ነኝ፡፡ “በተመረቅኩት ሥራ ብዙ ዓመታት መሥራቴን ታውቃለኅ፡፡ አኹን ግን ትቼው አትሌት ኾኛለኁ፡፡ ለመኾኑ ሯጭነት ኃጢአት ነውን?” ብለኽ የጻፍክልኝ ደብዳቤ ደርሶኛል፡፡

ውድ ወንድሜ! ሩጫችን ይለያያል እንጂ ኹላችንም ሯጮች ነን፡፡ በርግጥ የሚገባና የማይገባ ሩጫ እንዳለ ልትዘነጋ አይገባም፡፡ ጥያቄኽ የኹላችንም ጥያቄ በመኾኑ የጥያቄአችን መልስ የሚኾነን ደግሞ ቃለ እግዚአብሔር ነው፡፡ ታስታውስ እንደኾነ የሰንበት ትምህርት ቤት አባላት ከኾንን በኋላ በጕባኤ “ታገኙ ዘንድ ሩጡ” /1ኛ ቆሮ.9፡24/ በሚል ርእስ ተምረን ነበር፡፡ ዛሬ አንተ ሯጭ ኾነህ በምሳሌ የተማርነውን በተግባር እያስታወስከው እንድትማርበት ዕድሉን በማግኘትህ ደስ ልትሰኝ ይገባኻል፡፡

ዛሬ ለአገልግሎት፣ በጕባኤ ቁጭ ብሎ ለመማር፣ ወደኋላ፥ ለማይጠቅመው ነገር በመሻማት ሰላም ለምናጣበት ግን ጊዜ ሰጥተን ወደፊት እንደምንሮጥ ኹሉ የቆሮንቶስ ክርስቲያኖችም ከእግዚአብሔር ወደ ኋላ ብለው ትርፍ ለሌለበትና ወደ ሞት በሚወስድ መንገድ በመሮጣቸው ቅዱስ ጳውሎስ “ታገኙ ዘንድ ሩጡ” ብሎ ያስተማረው ትምህርት ለኹላችንም ትምህርት ነው፡፡

Continue reading “በስመ አብ ወወልድ ወመንፈስ ቅዱስ አሐዱ አምላክ አሜን!!!”

የትምህርተ ሃይማኖት መግቢያ


      “ሃይማኖት” ማለት አምነ፣ አመነ ከሚል የግእዝ ግሥ የወጣ ሲኾን መዝገበ ቃላታዊ ትርጓሜውም “ማመን፣ መታመን” ማለት ነው፡፡ በምሥጢራዊው ትርጕሙ ግን “ሃይማኖት” ማለት ፍጥረትን ኹሉ ካለ መኖር ወደ መኖር ያመጣ አንድ እግዚአብሔር እንዳለ፣ ለሚታየውም ለማይታየውም ፍጥረት ሠራዒውና መጋቢው ርሱ ብቻ እንደኾነ፣ ልዩ ሦስትነት እንዳለው፣ በዚኽ አለ በዚኽ የለም የማይባል ምሉዕ በኵለሄ እንደኾነ፣ … ማመን መታመን ማለት ነው፡፡


“ማመን” ማለትም ይኾንልኛል ይደረግልኛል ብሎ መቀበል፤ ለእግዚአብሔር የሚሳነው ነገር የለም ብሎ ተስፋ ማድረግ፤ አለመጠራጠር ማለት ሲኾን፤ “መታመን” ማለት ደግሞ ያመኑትን እውነት በሰው ፊት በአንደበት መመስከርና በተግባራዊ ሕይወት መግለጥ ማለት ነው፡፡ ሐዋርያው ቅዱስ ጳውሎስም ይኽን በተመለከተ፡- “ይኽም የምንሰብከው የእምነት ቃል ነው። ኢየሱስ ጌታ እንደ ኾነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤ ሰው በልቡ አምኖ ይጸድቃልና በአፉም መስክሮ ይድናልና” ብሎ አስተምሯል /ሮሜ.10፡8-10/፡፡ ዳግመኛም በሌላ አንቀጽ፡- “የእግዚአብሔር ጸጋ እንደ ተሰጠኝ መጠን እንደ ብልሃተኛ የአናጺ አለቃ መሠረትን መሠረትኹ፥ ሌላውም በላዩ ያንጻል” በማለት ከኹሉ አስቀድሞ እምነት እንደሚያስፈልግ ያስረዳና፤ ቀጥሎም “ማንም ግን በዚኽ መሠረት ላይ በወርቅ ቢኾን በብርም በከበረ ድንጋይም በእንጨትም በሣርም ወይም በአገዳ ቢያንጽ፥ የእያንዳንዱ ሥራ ይገለጣል፤” በማለት ምግባር ትሩፋት እንደሚያስፈልግ ያስረዳል /1ኛ ቆሮ.3፡10፣12/።

Continue reading “የትምህርተ ሃይማኖት መግቢያ”

ዘመነ ጽጌና የጌታ መሰደድ ምክንያት

(በዲ/ን ሕሊና በለጠ)
በቤተክርስቲያናችን አስተምህሮ ከመስከረም 26 እስከ ኅዳር 5 ቀን ያለው ጊዜ ዘመነ ጽጌ/ ወርኃ ጽጌ ይባላል፡፡
የተዘሩ አዝርዕት በቅለው፣ የተተከሉ አትክልት ጸድቀው፣ አብበውና አፍርተው የሚታዩበት የጽጌ፣ የልምላሜ ጊዜ ነው፡፡ “አሠርጎኮ ለሰማይ በከዋክብት ወለምድርኒ በሥነ ጽጌያት ግብረ እደዊከ አዳም እግዚኦ” እያልን ጌታን የምናመሰግንበት ጊዜ ነው- ጌታ ኮከብን ለሰማይ ውበት ጽጌን ለምድር ጌጥና ሽልማት አድርጎ ሰጥቷልና፡፡ ከዚህ የተነሣ ኮከብ ሰማይን ጽጌ ምድርን ያስጌጣሉ፡፡ ኮከብ ሰማይን አበባ ምድርን በባሕሪያቸው እንደሚያስውቡት ሁሉ እራሳቸውንና ገንዘባቸውን የተወደደና ያማረ መሥዋዕት አድርገው ለአምላካቸው የሚሰጡ ምእመናን ገድል እንዲሁ ለቤተክርስቲያን የመወደድ ጌጥን ይሰጣታል፡፡
በዚኽ በዘመነ ጽጌ የሚታሰበው ሌላው ዐቢይ መንፈሳዊ ጉዳይ የእመቤታችን ጌታን ይዛ መሰደድ ነው፡፡ በመኾኑም አባታችን አባ ጽጌ ድንግል የደረሰውና መልካም መዐዛ ባላቸው አበቦችና ፍሬዎች ጌታንና እመቤታችንን እየመሰለ የሚያመሰግነው ማኅሌተ ጽጌ የተሰኘው ድርሰት በዚህ ወቅት በሰፊው አገልግሎት ላይ ይውላል፡፡
ካህናትና ምእመናን እመቤታችን ጌታን ይዛ በስደት መንከራተቷን ለማሰብ ሌሊቱን በቤተክርስቲያን ሲያገለግሉ የሚያድሩበት ለኦርቶዶክሳዊያን የተዋሕዶ ልጆች ተናፋቂ የኾነ ወቅት ነው፡፡
ለመሆኑ ጌታ ስለምን ተሰደደ?

Continue reading “ዘመነ ጽጌና የጌታ መሰደድ ምክንያት”

ማንን ትፈልጋላችሁ

ማንን ትፈልጋላችሁ ዛሬ በማለዳ

ጥያቄ ይዘን መጥተናል ዛሬ በማለዳ

ለመመለስ ዝግጁ ነን ዛሬ በማለዳ

እሁድ ምን ተፈጠረ?

ሰባቱ ሠማያት

መቶ ከነገደ መላዕክት

አራቱ ባሕርያት ጨለማና ብርሃን

ሰኞ ምን ተፈጠረ?

ውኃን ለሦስት ከፍሎ ሐኖስ ጠፈር ውቅያኖስ

Continue reading “ማንን ትፈልጋላችሁ”

ሰው መሆንም ቀረ

አለምና ሐሰት ጋብቻ መስርተው

ውሸት የሚሉትን ቀጣፊ ልጅ ወልደው

ሲኖሩ… ሲኖሩ… ሲኖሩ… ተዋደው

ፍቅራቸው ሲደራ

ተጎራበቱና ከዲያቢሎስ ጋራ

ያው የጥንቱ ውሸት እረቀቅ አለና

የልጅ ልጅ አፈራ በእባብ ልቦና

እባብም ተማርካ በውዳሴ ከንቱ

አዳም እንቢ ቢላት ነግራ ለሴቲቱ

ቀንጥሰው ጎረሷት እፀ በለሲቷን

ሊበልጡ እግዚአብሔርን

አልሆነም ነገሩ አልሰመረም ምክሩ

የተገላቢጦሽ ዞረ አዳምም አፈረ

እንኳን እግዜር ሊኮን ሰው መሆንም ቀረ።

 

ምንጭ ሐመር 8 ዓመት ቁጥር 1 1992 ዓ.ም

አቡነ ገብረ መንፈስ ቅዱስ

በየዓመቱ መጋቢት 5 የምናከብረው በዓል አባታችን አቡነ ገብረ መንፈስ ቅዱስ ያረፉበት በዓል ነው፡፡ በዚኽ ዕለት ቅድስት ቤተ ክርስቲያናችን በቅዳሴዋም በትምህርቷም ኹሉ እኒኽን ታላቅና ቅዱስ አባት ታነሣለች፤ ታወድሳለች፤ ተጋድሎአቸውንም ለልጆቿ ታስተምራለች፡፡

ሀገራቸው ንሒሳ (ግብጽ) ሲኾን አባታቸው ስምዖን እናታቸውም አቅሌስያ ይባላሉ፡፡ ልጅ አጥተው 30 ዓመታት ሲያዝኑ ኖረዋል፡፡ እኛ አንድ ነገርን ለምነን በእኛ አቈጣጠር ካልተመለሰልን ስንት ቀን እንታገሥ ይኾን? ዛሬ በልጅ ምክንያት የፈረሱ ትዳሮች ስንት ናቸው? ለመኾኑ እግዚአብሔርን ስንለምነው እንደምን ባለ ልቡና ነው? ጥያቄአችን ፈጥኖ ላይመለስ ይችላል፡፡ ያልተመለሰው ለምንድነው ብለን ግን መጠየቅ ይገባናል፡፡ ቅዱስ ዮሐንስ አፈወርቅ፡- “የምንለምነውን የማናገኘው በእምነት ስለማንለምን ነው፤ በእምነት ብንለምንም ፈጥነን ተስፋ ስለምንቆርጥ ነው” ይላል፡፡ ሰውን ብንለምነው እንደዘበዘብነው፣ እንደ ጨቀጨቅነው አድርጎ ሊቈጥረው ይችላል፡፡ እግዚአብሔር ግን እንዲኽ አይደለም፡፡ “ለምኑ ታገኙማላችሁ፤ አንኳኩ ይከፈትላችሁማል” ያለን ርሱ እግዚአብሔር እንጂ ሰው አይደለምና፡፡ የሚያስፈልገን ከኾነ ያለ ጥርጥር ይሰጠናል፡፡ መቼ? ዛሬ ሊኾን ይችላል፤ ነገ ሊኾን ይችላል፤ ወይም እንደ ስምዖንና እንደ አቅሌስያ የዛሬ 30 ዓመት ሊኾን ይችላል፡፡ ጭራሽኑ ላይሰጠንም ይችላል፡፡ አልሰጠንም ማለት ግን ጸሎታችን ምላሽ አላገኘም ማለት አይደለም፡፡ የለመንነው እኛን የሚጎዳን ስለኾነ እንጂ፡፡ እግዚአብሔር ሲሰጥ ስለ ፍቅሩ፤ ሲነሳም ስለ ፍቅሩ ነውና፡፡

Continue reading “አቡነ ገብረ መንፈስ ቅዱስ”

‹‹ አእምሮሽ የተመሰገነ ይሁን!››

ዘወትር ከአባታችን ሆይ ቀጥሎ በምናደርሰው ‹‹በሰላመ ገብርኤል›› በተሰኘው የጸሎት ክፍል ውስጥ ‹‹በሐሳብሽ ድንግል ነሽ በሥጋሽም ድንግል ነሽ›› የሚል የምስጋናና የምስክርነት ቃል ይገኛል፡፡ በተመሳሳይ መንገድ በመልክዓ ማርያም ውስጥም ‹‹ሰላም ለሕሊናኪ ሐልዮ ሠናያት ልማዱ ወገቢረ ምሕረት መፍቅዱ›› ማለትም ‹‹ምሕረት ማድረግ ለሚወድ መልካም መልካሙን ማሰብ ልማዱ ለሆነ ሕሊናሽ ሰላም እላለሁ!›› የሚል የምስጋና ቃል አለ፡፡ የተአምረ ማርያም መቅድም ደግሞ የድንግል ማርያምን ሕሊና ከመላእክት ሕሊና ጋር ያስተያይና በልጦ ሲያገኘው በመደነቅ እንዲህ እያለ ያመሰግናል፡፡ ‹‹ሥጋዊ ነገር ከማሰብ መጠበቅ ከአዳም ልጆች ለማን ተሰጠው? ኃጢአትን ከማሰብ መጠበቅ ለመላእክት እንኳን አልተቻላቸውም፡፡ በቀደመው ወራት ያልተሰጣቸውን ሽተው በድለው ከሰማይ ወደ ምድር ወርደዋልና፡፡›› ከዚህም ጋር አያይዞ ‹‹የእመቤታችን ማርያም አሳብ እንደ አምላክ አሳብ ነው፡፡›› ይህም አሳብዋ ንጹሕና መልካም ብቻ መሆኑን ያስረዳናል፡: እኛ ክርስቲያኖች ‹‹እግዚአብሔርን እንድንመስል›› ታዘናል፡፡ (1ጢሞ4.7-8፤ 1ቆሮ11.1) ይህም በመልክ አይደለም፡፡ በሥራና በአመለካከት እንጂ፡፡ እግዚአብሔርን በአመለካከት መምሰል የማይቻል ቢሆን ኖሮ እግዚአብሔርን ምሰሉ አንባልም ነበር፡፡ በመልክ ስለመምሰል የሚናገር ቢሆን ኖሮ ደግሞ መልክን የሚፈጥረው ፈጣሪ ስለሆን ‹‹ምሰሉ›› አንባልም ነበር፡፡ የሚደንቅ ነው! እኛ ፈጣሪን በአሳብና በአመለካከት እንድንመስለው ታዘዝን፡፡ ድንግል ማርያም ግን መስላ ስለተገኘች ‹‹አሳብዋ እንደ አምላክ አሳብ ነው፡፡›› የሚል ምስክርነት ተሰጠላት፡፡ ቀደም ሲል ስለ ድንግል ማርያም ፍጹም የሕሊና ድንግልናና በጎነት ከአዋልድ መጻሕፍት ያስቀደምኩት ሆን ብዬ ነው፡፡ ይህንን ትምህርት መጽሐፍ ቅዱስ እንዴት እንደሚደግፈው ማሳየት ያስፈልጋልና እነሆ!

Continue reading “‹‹ አእምሮሽ የተመሰገነ ይሁን!››”