በአዲስ አበባ ሀገረ ስብከት የጥር 21 በዓለ ንግሥ የት የት ይከበራል?

በኢ/ኦ/ተ/ቤ/ክ በአዲስ አበባ ሀገረ ስብከት ስር በሚገኙ በእነዚህ ገዳማትና አብያተ ክርስትያናት የጥር 21 (አስተርእዮ ማርያም) ዓመታዊ የንግሥ በዓል ይከበራል።

1) ደብረ ምጥማቅ ቅዱስ ፊልጶስ ካቴድራል

ልዩ ስም፦ኮ/ቀ/ክ/ከ አጠና ተራ

2) አውግስታ ደብረ ጽዮን ቅድስት ማርያም ቤ/ክ

ልዩ ስም፦ኮ/ቀ/ክ/ከ አውግስታ ሸሚዝ ፋብሪካ

3) ፍኖተሎዛ ቅድስት ማርያም ቤ/ክ

ልዩ ስም፦ኮ/ቀ/ክ/ከ ብርጭቆ ኮንዶሚንየም

4) ማኅደረ መለኮት ወይብላ ቅድስት ማርያም ቤ/ክ

ልዩ ስም፡-ኮ/ቀ/ክ/ከ የሺ ደበሌ

5) ኮተቤ ደብረ ልዑል ዳግማዊ ቁልቢ ቅዱስ ገብርኤልና ኆኅተ ሰማይ ቅድስት ማርያም ቤ/ክ

ልዩ ስም፦የካ ክ/ከ ኮተቤ መሳለሚያ

6) ደብረሰላም ቅዱስ እስጢፋኖስ ቤ/ክ

ልዩ ስም፦ቂርቆስ /ክ/ከ መስቀል አደባባይ

7) ደብረ ምጥማቅ ሰዓሊተ ምሕረት ቅድስት ማርያምና ቅድስት ክርስቶስ ሠምራ ካቴድራል

ልዩ ስም፦ቦሌ ክ/ከ ጉርድ ሾላ

8)ምስራቀ ፀሐይ ቅዱስ ሚካኤልና 24ቱ ካህናተ ሰማያት ቅድስት ድንግል ማርያም ቤ/ክ

ልዩ ስም፦የካ ክ/ከ አባዶ

9)የረር በር መካነ ሰላም ቅዱስ ሚካኤል እና ቅድስት ማርያም ቤ/ክ

ልዩ ስም፦ቦሌ ክ/ከ ጎሮ

10) አንቆርጫ ደብረ ብስራት ቅዱስ ገብርኤልና ቅድስት ማርያም ቤ/ክ

ልዩ ስም፦የካ ክ/ከ አንቆርጫ

11) ቦሌ ኆህተ ብርሃን ቅድስት ማርያም ቤ/ክ

ልዩ ስም፦ቦሌ ክ/ከ ገርጂ

12) መሪ ቅድስት ሥላሴ፤ቅዱስ ዑራኤል፤ቅድስት ድንግል ማርያም፤ቅዱስ ጊዮርጊስ ወአቡነ አረጋዊ ቤ/ክ

ልዩ ስም፦የካ ክ/ከ መሪ

13) ገነተ ኢየሱስና ገነተ ማርያም አብያተ ክርስትያናት

ልዩ ስም፦የካ ክ/ከ ፈረንሳይ 41 ኢየሱስ

14) ርእሰ አድባራት እንጦጦ መንበረ ፀሐይ ቅድስት ማርያም ቤ/ክ

ልዩ ስም፡-ጉለሌ /ክ/ከ እንጦጦ ማርያም

15) መንበረ ፓትርያርክ ቅድስተ ቅዱሳን ማርያም ገዳም

ልዩ ስም፦አራዳ ክ/ከ አምስት ኪሎ

16) ደብረ ነጎድጓድ ቅዱስ ዮሐንስና መካነ ጎልጎታ ቅድስት ማርያም ቤ/ክ

ልዩ ስም፦አራዳ ክ/ከ አርበኞች መንገድ
ራስ ደስታ ዳምጠው ሆስፒታል

17) ቦሌ ቡልቡላ ፍኖተ ሕይወት ቅድስት ማርያም እና መጥምቀ መለኮት ቅዱስ ዮሐንስ ቤ/ክ

ልዩ ስም፦ቦሌ ክ/ከ ቦሌ ቡልቡላ ኮንዶሚኒየም

18) ብሔረ ፅጌ መካነ ሰላም ቅድስት ማርያምና መድኃኔዓለም ቤ/ክ

ልዩ ስም፦ንፋስ ስልክ ላፍቶ ክ/ከ ብሔረ ፅጌ

19) ደብረ ተአምራት ዳግማዊት ጻድቃኔ ቅድስት ማርያም

ልዩ ስም፦ኮ/ቀ/ክ/ከ ታቦት ማደሪያ

20) ማኅደረ ስብሐት ቅድስት ልደታ ለማርያምና ደብረ መድኃኒት መድኃኔዓለም ቤ/ክ

ልዩ ስም፦ልደታ /ክ/ከ ልደታ

21) ደብረ ይባቤ ቅዱስ ያሬድ ቤ/ክ

ልዩ ስም፦ቂርቆስ /ክ/ከ መስቀል ፍላወር

22) ፈለገ ዮርዳኖስ ቅዱስ ዮሐንስና ቅድስት ማርያም

ልዩ ስም፦ንፋስ ስልክ ላፍቶ ክ/ከ ጀሞ 3
መስታወት ፋብሪካ ጀርባ

23) ሐመረወርቅ ቅድስት ማርያም እና ቅድስት አርሴማ ቤ/ክ

ልዩስም፦አቃቂ ቃሊቲ /ክ/ከ ወረዳ 5 ወርቁ ሰፈር

24) ፉሪ መካነ ቅዱሳን አቡነ ገብረመንፈስቅዱስ እና ቅዱስ ሚካኤል

ልዩ ስም፦ንፋስ ስልክ ላፍቶ ክ/ከ ወረዳ 1 ለቡ(ፉሪ)

25) ፈጬ ደብረ ገነት ቅድስት ድንግል ማርያም ቤ/ክ

ልዩ ስም፦ አቃቂ ቃሊቲ /ክ/ከ ፈጬ

26) ሰርጢ ቅድስተ ቅዱሳን ማርያም

ልዩ ስም፦ አቃቂ ቃሊቲ /ክ/ከ ሰርጢ ማርያም

27) ቂሊንጦ ደብረ ብስራት ቅዱስ ገብርኤል እና ቅድስት ድንግል ማርያም

ልዩ ስም፦ አቃቂ ቃሊቲ /ክ/ከ ወረዳ 9 ቂሊንጦ

28) ካራ ቆሬ ደብረ ገነት ቅዱስ እስጢፋኖስ፤ቅዱስ ሚካኤልና ቅድስት ማርያም ቤ/ክ

ልዩ ስም፦ኮ/ቅ/ክ/ከ ካራ ቆሬ ጥላሁን ሜዳ

29) መዝገበ ምሕረት ቅዱስ ፋኑኤል

ልዩ ስም፡-ኮ/ቀ/ክ/ከ ፋኑኤል ሰፈር

30) የካ ደብረ ሣህል ቅዱስ ሚካኤል ቤ/ክ

ልዩ ስም፦የካ ክ/ከ ሾላ መገናኛ

31) ደብረ ፅጌ ቅዱስ ኡራኤል

ልዩ ስም፦ቦሌ ክ/ከ ካዛንቺስ

32) አፍሪካ ሕብረት ደብረ ምሕረት ቅዱስ ሚካኤል ካቴድራል

ልዩ ስም፦ቂርቆስ ክ/ከ አፍሪካ ህብረት

33) ምስራቀ ፀሐይ ቅዱስ ገብርኤል፤ቅድስት አርሴማ እና አቡነ አዳም ቤ/ክ

ልዩ ስም፦ንፋስ ስልክ ላፍቶ ክ/ከ መካኒሳ ጀርመን አደባባይ

34) አቃቂ መንበረ ሕይወት መድኃኔዓለም ቤ/ክ

ልዩ ስም፦አቃቂ ቃሊቲ /ክ/ከ ጋራው መድኃኔዓለም

35) ቃሊቲ ደብረ ገነት ቅዱስ ሚካኤል እና ቁስቋም ቅድስት ማርያም ቤ/ክ

ልዩ ስም፦ አቃቂ ቃሊቲ/ክ/ከ ሰፈረ ገነት

36) ፈጬ ደብረ ገነት ቅድስት ድንግል ማርያም ቤ/ክ

ልዩ ስም:- ፈጬ ቱሉዲምቱ ኮንዶሚኒየም ወደ ውስጥ ገባ ብሎ

37) የጎፋ መካነ ጅያዋን ቅዱስ ገብርኤል ቤተ ክርስቲያን

አድራሻ ፦ ቄራ ጎፋ ማዞሪያ ፤ ጎፋ ገብርኤል አደባባይ

38) አያት ቅዱስ ዮሐንስ እና ቅድስት ማርያም ቤተ ክርስቲያን ።

አድራሻ ፦ አያት ዞን ስምንት በእድገት ጮራ ሁለተኛ ደረጃ ትምህርት ቤት ገባ ብሎ

39) በሻሌ ቅድስት ማርያም እና ቅዱስ ዮሐንስ ቤተ ክርስቲያን ።

አድራሻ ፦ ቦሌ በሻሌ ሰንሻይን ሪል ስቴት ጀርባ

40) ብሥራተ ወንጌል ቅድስት ማርያም ቤተ ክርስቲያን ።

አድራሻ ፦ ኮልፌ ቀራንዮ ክ/ከ ዘነበወርቅ ኤፍኤም ሬዲዮ ጣቢያ

41) ባህታዊ በሻሌ ቅድስት ድንግል ማርያም ቤተ ክርስቲያን ።

አድራሻ ፦ ሰሚት 72 አከባቢ

42) ቦሌ አራብሳ ቃጥላ ደብረ ጽዮን ቅድስት ማርያም ቤተ ክርስቲያን ።

አድራሻ ፦ አያት በሻሌ 40/60 ኮንዶሚኒየም አከባቢ

43) አያት ጨፌ ቅድስት ድንግል ማርያም እና ስውሯ ኪዳነ ምሕረት ቤተ ክርስቲያን ።

አድራሻ ፦ አያት 49 ጨፌ ኮንዶሚኒየም አከባቢ

44) ቦሌ አራብሳ ኆህተ ብርሃን ጨፌ ጫንጮ ዋሻ ቤዛዊት ቅድስት ማርያም ቤተ ክርስቲያን

አድራሻ ፦ ቦሌ አራብሳ ኮንዶሚኒየም ቂርቆስ አደባባይ በአቡነ ገብረ መንፈስ ቅዱስ ቤተ ክርስቲያን ገባ ብሎ

45) አራብሳ ቅድስት ድንግል ማርያም ቤተ ክርስቲያን

አድራሻ ፦ ቦሌ አራብሳ ሰፈራ አደባባይ አዲሶቹ ኮንዶሚኒየም አከባቢ

46) የጎሮ ሰፈራ ወይን አምባ ቅድስት ድንግል ማርያም እና መጥምቀ መለኮት ቅዱስ ዮሐንስ ቤተ ክርስቲያን

አድራሻ ፦ ጎሮ ሰፈራ (ከጎሮ አደባባይ ባጃጅ ተሳፍረው፣ ሠፈራ ድልድይ ጫፍ ላይ ሲወርዱ ትገኛለች)።

47) ቅድስት ማርያም ቤተ ክርስቲያን

አድራሻ ፦ ጋርመንት ሰፈራ አደባባይ አከባቢ

48) ኆኅተ ብርሃን ቅድስት ድንግል ማርያም ቤተ ክርስቲያን

አድራሻ ፦ ጋርመንት ሰፈራ ሃይሆንዳይ ሞተር ፊትለፊት ወደ ውስጥ ገባ ብሎ

ታኅሣሥ 28፦የቅዱስ ዐማኑኤል የንግሥ ክብረ በዓል በአዲስ አበባ ሀገረ ስብከት የት የት ይከበራል❓

✨እንኳን ለአምላካችን ለቅዱስ ዐማኑኤል የልደት በዓል በሰላም አደረሰን። ✨

የቅዱስ ዐማኑኤል የንግሥ ክብረ በዓል በአዲስ አበባ ሀገረ ስብከት በየትኞቹ ገዳማት አብያተ ክርስቲያናት ይከበራል❓

1) አስኮ መካነ ህይወት ቅዱስ አማኑኤል እና አቡነ ገ/መንፈስ ቅዱስ  ቤ/ክ

ልዩ ስም፦ኮ/ቀ/ክ/ከ አስኮ አዲስ ሰፈር

2) ደብረ ገሊላ ቅዱስ አማኑኤል ካቴድራል

ልዩ ስም፦አዲስ ከተማ/ክ/ከ መሳለሚያ እህል በረንዳ

3) ቦሌ ቡልቡላ ምስካበ ቅዱሳን አባ ሳሙኤልና ቅዱስ አማኑኤል

ልዩ ስም፦ቦሌ ክ/ከ ቡልቡል 40/60 ኮንዶሚኒየም ከፍ ብሎ ።

4) ካራቆሬ ቅዱስ አማኑኤል ቤተ ክርስቲያን

አድራሻ ፦ ካራቆሬ ጀሞ ሁለት ኮንዶሚኒየም አከባቢ

5) ደብረ አራራት ማኅበረ በኵር ቅዱስ አማኑኤል አንድነት ገዳም

አድራሻ ፦ የካ ክ/ከ ኮተቤ ከኪዳነ ምሕረት ቤተ ክርስቲያን ከፍ ብሎ

6) ደብረ ምሕረት ቅዱስ አማኑኤል ቤተ ክርስቲያን

አድራሻ ፦ የካ ክ/ከ ኮተቤ አንድ ፌርማታ አከባቢ ከውሃና ፍሳሽ ታንከር ከፍ ብሎ

7) ገደራ መካነ ብርሃን ቅዱስ አማኑኤል ቤተ ክርስቲያን

አድራሻ ፦ አያት ጣፎ ኮንዶሚኒየም አከባቢ።

8) ብሔረ ጽጌ መካነ ሰላም ቅድስት ማርያም እና መድኃኔዓለም ቤተ ክርስቲያን

አድራሻ ፦ ን/ላ/ክ/ከ ብሔረ ጽጌ

10) ፉሪ ደወለ አይነከረም ቅድስት ኪዳነ ምሕረት እና ቅዱስ አማኑኤል ቤተ ክርስቲያን

አድራሻ ፦ ን/ላ/ክ/ከ ጋርመንት ሠፈራ ታክሲ መውረጃ በቀኝ በኩል ገባ ብሎ

🌸🌸መልካም በዓል🌸🌸

ታኅሣሥ19-በአዲስ አበባ በየትኞቹ ገዳማትና አብያተ ክርስቲያናት በዓለ ንግሡ ይከበራል?

ቅዱስ ገብርኤል ከበዓሉ ረድኤት በረከት ያሳትፈን።

በአዲስ አበባ አህጉረ ስብከት በእነዚህ አብያተክርስትያናት ታኅሣሥ 19 ሊቀመላእክት ቅዱስ ገብርኤል ሠለስቱ ደቂቅን ከእቶን እሳት ያዳነበት በዓለ ንግሡ ይከበራል።

1) ደብረ ምጥማቅ ቅዱስ ፊልጶስ ካቴድራል

ልዩ ስም፦ኮ/ቀ/ክ/ከ አጠና ተራ

2) ድልበር መካነ ጎልጎታ መድኃኔአለም ቤ/ክ

ልዩ ስም፦ጉለሌ ድልበር

3) አስኮ ደብረ ገነት ቅዱስ ገብርኤል ካቴድራል

ልዩ ስም፦ኮ/ቀ/ክ/ከ አስኮ

4) ኮልፌ ደብረ ፀሐይ አቡነ ተክለሃይማኖት እና ቅዱስ ገብርኤል ቤ/ክ

ልዩ ስም፦ኮ/ቀ/ክ/ከ ፊሊዶሮ

5) ደብረ ቀራንዮ መድኃኔአለም እና ገብርኤል

ልዩ ስም፦ኮ/ቀ/ክ/ከ ቀራንዮ

6) ብርሃናተ ዓለም ጴጥሮስ ወ ጳውሎስ እና ቅዱስ ገብርኤል

ልዩ ስም፡- አዲስ ከተማ ክ/ከ ዊንጌት ት/ቤት

7) ደብረ መዊዕ ቅዱስ ሚካኤል ካቴድራል

ልዩ ስም፦አዲስ ከተማ/ክ/ከ አውቶብስ ተራ

8) ደብረ ገሊላ ቅዱስ አማኑኤል ካቴድራል

ልዩ ስም፦አዲስ ከተማ/ክ/ከ መሳለሚያ እህል በረንዳ

9) ቦሌ መንበረ ብርሃን ቅዱስ እግዚአብሔር አብ

ልዩ ስም፦ቦሌ ክ/ከ ቦሌ እግዚአብሔር አብ

10) ኮተቤ ደብረ ልዑል ዳግማዊ ቁልቢ ቅዱስ ገብርኤልና ኆኅተ ሰማይ ቅድስት ማርያም ቤ/ክ

ልዩ ስም፦የካ ክ/ከ ኮተቤ መሳለሚያ

11) የረር ጎሮ ደብረምሕረት ቅዱስ ገብርኤል ቤ/ክ

ልዩ ስም፦ቦሌ ጎሮ

12) አንቆርጫ ደብረ ብስራት ቅዱስ ገብርኤልና ቅድስት ማርያም ቤ/ክ

ልዩ ስም፦የካ ክ/ከ አንቆርጫ

13) ቦሌ ደብረ ገነት ቅዱስ ጊዮርጊስ እና ቅዱስ ገብርኤል ቤ/ክ

ልዩ ስም፦ቦሌ ክ/ከ ገርጂ

14) መንበረ መንግስት ቅዱስ ገብርኤል

ልዩ ስም፦አራዳ /ክ/ከ ቤተመንግስት

15) ቀጨኔ ደብረ ሰላም መድኃኔአለም ወደብረ ትጉሃን ቅዱስ ገብርኤል ቤ/ክ

ልዩ ስም፦ጉለሌ /ክ/ከ ቀጨኔ መድሃኔአለም

16) አንቀፀ ምሕረት ቅዱስ ሚካኤል ካቴድራል

ልዩ ስም፦የካ ክ/ከ ራስ ካሳ

17) ደብረ ዕንቁ ልደታ ለማርያም

ልዩ ስም፦የካ ክ/ከ 01 ራሽያ ኤምባሲ ጀርባ

18) ፈረንሳይ ደብረ ፀሐይ ቅዱስ ጊዮርጊስ ቤ/ክ

ልዩ ስም፦የካ /ክ/ከ ፈረንሳይ ብረት ድልድይ

19) ቦሌ ቡልቡላ ደብረ መድኃኒት መድኃኔአለም ቤ/ክ

ልዩ ስም፦ቦሌ ክ/ከ ቦሌ ቡልቡላ

20) ጎፋ መካነ ሕያዋን ቅዱስ ገብርኤል ካቴድራል

ልዩ ስም፦ንፋስ ስልክ ላፍቶ ክ/ከ ጎፋ

21) አየር ጤና አንቀፀ ብርሃን ቅድስት ኪዳነምሕረት

ልዩ ስም፦ኮ/ቀ/ክ/ከ አየር ጤና

22) ደብረ ተአምራት ዳግማዊት ጻድቃኔ ቅድስት ማርያም

ልዩ ስም፦ኮ/ቀ/ክ/ከ ታቦት ማደሪያ

23) ደብረ ብስራት ቅዱስ ገብርኤል

ልዩ ስም፦ንፋስ ስልክ ላፍቶ ክ/ከ ብስራተ ገብርኤል

24) አዲስ አምባ ደብረ ገነት ቅድስት ኪዳነ ምሕረት እና ደብረ ፍስሐ ቅዱስ ገብርኤል

ልዩ ስም፦ንፋስ ስልክ ላፍቶ ክ/ከ ሳሪስ አዲስ ሰፈር

25) ፉሪ ደብረ ኃይል ቅዱስ ገብርኤል ቤ/ክ

ልዩ ስም፦ንፋስ ስልክ ላፍቶ ክ/ከ ጋራ ኦዳ

26) ጀሞ ደብረ ኃይል ቅዱስ ገብርኤል እና ቅድስት አርሴማ

ልዩ ስም፦ንፋስ ስልክ ላፍቶ ክ/ከ ጀሞ

27) ላፍቶ ደብረ ትጉሃን ቅዱስ ሚካኤል ቤ/ክ

ልዩ ስም፦ንፋስ ስልክ ላፍቶ ክ/ከ ላፍቶ

29) ደብረ ፍስሐ መካነ ሰማዕት ቅዱስ ቂርቆስ ቤ/ክ

ልዩ ስም፦ቂርቆስ /ክ/ከ ቂርቆስ

30) ምስራቀ ፀሐይ ቅዱስ ገብርኤል፤ቅድስት አርሴማ እና አቡነ አዳም ቤ/ክ

ልዩ ስም፦ንፋስ ስልክ ላፍቶ ክ/ከ መካኒሳ ጀርመን አደባባይ

31) አለም ባንክ ጀሞ ደብረ ራማ ቅዱስ ገብርኤል

ልዩ ስም፦ኮ/ቀ/ክ/ከ አለም ባንክ

32) ፈጬ ደብረ ገነት ቅድስት ድንግል ማርያም ቤ/ክ

ልዩ ስም፦ አቃቂ ቃሊቲ /ክ/ከ ፈጬ

33) ጃቴ መካነ ሕይወት ቅድስት ኪዳነምሕረት ካቴድራል

ልዩ ስም፦አቃቂ ክ/ከ 08

34) መጠሊ ደብረ አሮን ፍልፍል ዋሻ ቅዱስ ገብርኤል እና አቡነ ተክለሃይማኖት ቤተክርስትያን

ልዩ ስም፦አቃቂ /ክ/ከ ገላን ጉዳ ገበሬ ማኅበር መጠሊ አካባቢ

35) ቂሊንጦ ደብረ ብስራት ቅዱስ ገብርኤል እና ቅድስት ድንግል ማርያም

ልዩ ስም፦ አቃቂ ቃሊቲ /ክ/ከ ወረዳ 9 ቂሊንጦ

36) ብስራተ ወንጌል ቅድስተ ማርያም ቤተክርስቲያን

ልዮ ስም፦ ኮልፌ ቀራንዮ ክ/ከ ዘነበወርቅ ኤፍኤም ሬዲዮ ጣቢያ

37) መንበረ ልዑል ቅዱስ ገብርኤል እና ቅድስት ድንግል ማርያም ቤ/ክ

ልዩ ስም፦ ን/ስ/ላ/ክ/ከ 58 ማዞሪያ

38) አየርጤና ደብረ ብስራት ቅዱስ ገብርኤልና አቡነ ገብረመንፈስቅዱስ ቤ/ክ

ልዩ ስም፦ ኮ/ቀ/ክ/ከ ወረዳ 02 አየርጤና

39) የቃሊቲ መካነ ብርሀን ቅዱስ ገብርኤል ቤ/ክ
ልዩ ስም፦ አ/ቃ/ክ/ክ ወረዳ 07 ማረሚያ ጎን

40) ቱሉ ዲምቱ ደብረ መዊዕ ቅዱስ ገብርኤል ቤ/ክ

ልዩ ስም፦ አ/ቃ/ክ/ከ ልዩ ስሙ አለም ባንክ

41) ቀበና ምዕራፈ ፃድቃን አቡነ ተክለሃይማኖት እና ቅ/ገብርኤል ቤተ- ክርስትያን

ክ/ከተማ :የካ

ልዩ ቦታ:ሲግናል አደባባይ ወደ ዉስጥ ገባ ብሎ ወይም አድዋ ድልድይ ፖሊስ ጣቢያዉ ወረድ ብሎ ልዩ ስሙ ኮንጎ ሰፈር

42) ደብረ መንክራት መድኃኔአለም እና ቅዱስ ገብርኤል ቤ/ክ

አድራሻ:- ቃሊታ ውሃ ልማት ወረዳ 5 በርታ

43) ኤርቱ ሞጆ መድኃኔዓለም እና ቅዱስ ገብርኤል ቤተ ክርስቲያን

አድራሻ ፦ ንፋስ ስልክ ላፍቶ ክ/ከ ወረዳ 1 ኤርቱ ሞጆ አከባቢ ።

44) እንዶዴ ሔቹ ቅዱስ ገብርኤል ቤተ ክርስቲያን

አድራሻ ፦ አቃቂ እንዶዴ ፣ እንዶዴ የባቡር ጣቢያ

45) እንቁ ቅዱስ ገብርኤል ቤተ ክርስቲያን

አድራሻ ፦ ፉሪ ለቡ ባቡር ጣቢያ ተሻግሮ ጋራው ላይ

46) የየካ ጣፎ መካነ ብሥራት ቅዱስ ገብርኤል ቤተ ፡ ክርስቲያን

አድራሻ ፦ አያት ጣፎ ኮንዶሚኒየም አከባቢ

47) ገላን ጉራ ፈለገ ግዮን ቅዱስ ገብርኤል ቤተ ክርስቲያን

አድራሻ ፦ ገላን ጉራ ፤ ከቦሌ ቡልቡላ ጀርባ ተንጠልጣይ ድልድይ ተሻግሮ

48) ሰሚት መካነ ሕይወት ዋሻ ቅዱስ ገብርኤል ቤተ ፡ ክርስቲያን

አድራሻ ፦ ከመገናኛ ሰሚት ኮንዶሚኒየም ሁለተኛ በር የሚለው ታክሲ በመያዝ መጨረሻ ላይ ወርደው ከዚያ በባጃጅ ወደ ዋሻ ቅዱስ ገብርኤል መሄድ ይችላሉ

49) ቦሌ በሻሌ ደብረ ኃይል ቅዱስ ገብርአል ቤተ ክርስቲያን ። (ሙት አንሳ ቅዱስ ገብርኤል)

አድራሻ ፦ ቦሌ በሻሌ ኮንዶሚኒየም ጀርባ

50) አያት ጨፌ ቅዱስ ገብርኤል ቤተ ክርስቲያን

አድራሻ ፦ አያት ጨፌ ኮንዶሚኒየም አከባቢ

📖የቤተክርስቲያን ፈተና

የቤተክርስቲያን ታሪክ የሚጀምረው ከዓለመ መላእክት ነው፡፡ ታዲያ ፈተና ሁሌ አብሯት የሚኖር ቤተክርስቲያን መፈተን የጀመረችው በዚሁ በዓለመ መላእክት ነበር፡፡ ዲያብሎስ ትዕቢትንና ሐሰት ከራሱ አንቅቶ መላእክትን «እኔ ፈጠርኋችሁ» በማለት ባሰማው የሐሰት አዋጅ ከሰው ልጅ ወደዚህ ምድር መምጣት ጀምሮ በብሉይ ኪዳንም በርካታ ፈተናዎች ተፈራርቀዋል፡፡

የቤተክርስቲያንን ታሪክ ስናጠና ለቤተክርስቲያን የመፈተን ምክንያት የሚሆኑ አካላትንና ድርጊቶችን ቆጥሮና ወስኖ ማስቀመጥ ወይም መገደብ ባይቻልም ጐልተው የሚታዩትን መዘርዘር ግን ይቻላል፡፡ ከእነዚህ የፈተና ምንጮች ዋነኞቹ የሚከተሉት ናቸው፡፡

«የቤተክርስቲያን የውስጥ ጠላቶች በጌታ አነጋገር «ጸራዊ» በሐዋርያት አነጋገር «ቢጽ ሐሳውያን» በሊቃውንት አነጋገር «መናፍቃን» ይባላሉ፡፡ የቤተክርስቲያን ልጆች ሳይሆኑ የቤተክርስቲያን ልጆች መስለው ወይም ከቤተክርስቲያን እምነትና ትምህርት የተወሰነውን የተማሩ ፤የተወሰነውንም ተምረው ያልያዙ ጐደሎዎች ናቸው፡፡ እነርሱም እንክርዳድ ስንዴ መስሎ እንደሚያድግ በክርስቶስ ዐጸደ ወይን በቤተክርስቲያን ውስጥ የበቀሉ አሳሳቾች ናቸው፡፡

ስልታቸውን በየስፍራውና በየዘመኑ እየለዋወጡ ሐመረ ኖኅ ቤተክርስቲያንን በምንፍቅና ማዕበላቸው እያንገላቷትና እያማቷት ነው፡፡ ቤተክርስቲያን ወዳልተሰበኩት ሕዝብ ደርሳ ትምህርቷን እንዳታስተምር ልዩ ልዩ የክህደት ትምህርት በመፍጠር አባቶችን ሥራ ያስፈቱ ናቸው፡፡ይልቁንም በአሁኑ ዘመን በክህደት ትምህርታቸው ብቻ ሳይቆጠቡ ቤተክርስቲያን ላይ ሁሉን አቀፍ ዘመቻ የከፈቱበት ወቅት ነው፡፡ የተቸገሩ ምእመናንን የዕለት ጉርስ የዓመት ልብስ እንሰጣለን በማለት፣ የቤተክርስቲያኒቱን የመንፈሳዊ ትምህርት ተቋማት እንረዳለን በማለት፣ እንዲሁም ለሆዳቸው ያደሩ ሰዎችን በመጠቀም የቤተክርስቲያን ዋነኛ የፈተና ምንጭ ሆነው ቀጥለዋል፡፡

በቤተክርስቲያን ታሪክ ከጌታ ትንሣኤ እስከ 70 ዓ.ም ድረስ ያለው ዘመን ዘመነ ሐዋርያት ከ70 ዓ.ም እስከ 160 ዓ.ም ያለው ደግሞ ዘመነ ሐዋርያነ አበው እንዲሁም ከ16ዐ ዓ.ም እስከ 312 ዓ.ም ያለው ዘመነ ሰማዕታት በመባል ይታወቃል፡፡በመጀመሪያዎቹ ሁለት ክፍላተ ዘመናት የነበረው የቤተክርስቲያን አገልግሎት ከአይሁድ ጋር የተደረገ ተጋድሎ ነው፡፡ ይኸውም ምንም እንኳን የአይሁድ ማኅበረሰብ ቃል ኪዳን የተገባለት፣ ትንቢት የተነገረለት፣ በአንድ አምላክ አማኝ ቢሆንም የክርስቶስን አዳኝነትና አምላክነት ላለመቀበል በአመጽ በመግፋቱ፣ እነርሱን ወደ እግዚአብሔር መንግሥት ለመመለስና ለማቅረብ የተደረገ ጥረት ነበር፡፡

ሦስተኛው ክፍል ግን ቅዱሳን አበው ከአላውያን ነገሥታት ጋር ባደረጉት ተጋድሎ የሚዘከር ዘመነ ሰማዕታት ነው፡፡ በክርስትና ሃይማኖት ትምህርትና በመምህራኑ አማናዊ ምሳሌነት በመላው ሮም የክርስትና ሃይማኖት ተስፋፍቶ ነበር፡፡ በመሆኑም ለባሮች የነጻነት ትምህርት የተሰበከላቸው ሲሆን ባለጸጋዎችም ቢያምኑ የክርስቶስ አገልጋዮች ለመሆን እንደሚበቁ ተነገራቸው፡፡ /1ቆሮ 7፥22/ የአሕዛብን የቀደመ ትዕቢትና ኩራት የእግዚአብሔር ቃል ሲያፈራርሰው፤ የአሕዛብን የአመንዝራነት ሕይወት የክርስቲያኖች ቅድሰና አሸነፈው፡፡ በአሕዛብ ልማድ በወንዶች መካከል ሴቶች የክብር ቦታ ያልነበራቸው ሲሆን በክርስትና እኩልነትና መከባበር ታወጀ፡፡ ከዚህ በኋላ ግን ክፉዎች በክርስቲያኖች ላይ የሰውን ሥጋ ይበላሉ፤ ለቄሳር አይታዘዙም፤ ግብር አይከፍሉም፤ የሚሉ ተራና ክፉ ወሬዎችን አወሩ ፡፡ በዚህ የተነሳ እንደነ ዲዮቅልጥያኖስ ያሉ ኢአማኒያን/ከሃድያን/ ነገሥታት ስልጣናቸውን መከታ አድርገው ብዙ ክርስቲያኖች በሰማዕትነት እንዲያልፉ ያደረጉበት እኩይ ተግባር ፈጸሙ፡፡ ይህም ደጉ ንጉሥ ቆስጠንጢኖስ መንበረ ሥልጣኑን ይዞ ለክርስቲያኖች ሠላም እስኪያወርድላቸው ድረስ የቀጠለ ጉዳይ ነበር፡፡

ቤተክርስቲያን ለምድራዊ ኑሮ ሲባል በተለያየ ሥርዓተ መንግሥት ሥር የሚኖሩ ሰዎችን ነው በሥርዓቷና እና በትውፊቷ እንዲኖሩ የምትጥረው፤ የእርሷ ድርጊት ሁሉ ከአመራራቸው ጋር የማይሄድ የሚመስላቸው ሁሉ እንደየዘመናቸው ሁኔታ መከራን አጽንተውባቸዋል፡፡ ይህም የሁል ጊዜ የቤተክርስቲያን የፈተና ምንጭ ሆኖ የቀጠለ ጉዳይ ነው፡፡

«የክርስቶስ ፍቅር ገብቷቸው ክርስትናንና ከዚያ የሚከተሉትን ኃላፊነቶችን፣ ክህነትን እስከ ጵጵስና ድረስ «አውቃለሁ፤ እበቃለሁ» ብለው ወይም « ይገባኛል» ብለው ሹመት ፈልገውና ተካሰው ሳይሆን «እኛ አንበቃም ተውን» እያሉ፣ ነገር ግን ለመንጋው የግድ መሪ ስለሚያስፈልገው «እናንተ ለዚህ ሓላፊነት ትበቃላችሁ መንጋውን ጠብቁ» እየተባሉ አደራ ሲጣልባቸው የተሰጣቸውን ከባድ ሓላፊነት የሚጠይቀውን ዋጋ ሁሉ በመክፈል የተወጡ ብዙ ቅዱሳን አባቶች ቤተክርስቲያናችን አሏት፡፡

በሦስቱ ጉባኤያት /ኒቅያ ቁስጥንጥንያና ኤፌሶን/ ዶግማዋን አጽንታ፣ ክፉዎችን ለይታ፣ ጥርት ያለውን እምነት ይዛ፣ አንድነቷን ጠብቃ የተጓዘችው አንዲት ዓለም አቀፋዊት ኦርቶዶክሳዊ ቤተክርስቲያን ናት፡፡ የሕንድ ኦርቶዶክሳዊት ቤተክርስቲያንን የአሳዛኝ ታሪክ ምሳሌ ያደረጋት የመናፍቃን ደባ ነው፡፡ የሮም ካቶሊካዊት ቤተክርስቲያን ከኦርቶዶክሳውያኑ ጐራ ተለይታ የኖረችው እዚህ ግባ በማይባል ፖለቲካዊ / ምድራዊ ሥልጣን/ ምክንያት በተጀመረ ጠብ ነው፡፡

«ሰውን ብትታገል ብትዋጋ ታሸንፈዋለህ ወይም ያሸንፍሃል ቤተክርስቲያንን ግን ለማሸነፍ አይቻልም ቤተክርስቲያን ሁል ጊዜ ትዋጋለች ተሸንፋ ግን አታውቅም ዲያብሎስ ዝናሩን አራገፈ ቀስቱን ጨረሰ፡፡ ቤተክርስቲያንን ግን አልጎዳትም» ቅዱስ ዮሐንስ አፈወርቅን በመጥቀስ የጻፉት ብፁዕ አቡነ ጎርጎርዮስ ካልዕ የቤተክርስቲያን ታሪክ በዓለም መድረክ በተሰኘው መጽሐፋቸው ነው / የቤ.ተ. ገጽ 48/።

ፈተና የቤተክርስቲያን የመኖሯ መገለጫ ነው፡፡ነገር ግን ቤተክርስቲያን ፈተና በሚገጥማት ወቅት በሚነሳው ማዕበል ተከፍተን ከመርከቧ ወደ ባሕር እንዳንወርድ ምን ማድረግ ይገባናል❓

ጥቂት ነጥቦችን እናነሳለን፡፡የ አበው አባቶቻችን የተጋድሎ ገድል ስናነብ የምንረዳው ምንም እንኳን ወጥ የሆነ መንፈሳዊ ሕይወት ቢኖራቸውም ከባድ ፈተና በገጠማቸው ጊዜያት ግን የበለጠ ይበረታሉ። በርካታ ቃል ኪዳናትን የተቀበሉት በርካታ መንፈሳዊ መጻሕፍትን የጻፉት የብዙ ጸጋ ባለቤት የሆኑት በፈተና ውስጥ ነው፡፡

የምንማረው ከአባቶቻችን ነውና ቤተክርስቲያን ፈተና ላይ በምትሆን ጊዜ በጋዜጣ በሚጻፈው፣ በድረገጽ በሚለቀቀው «እንዲህ ሆነ እንዲህ ተደረገ» ወሬ ተገፍቶ እርሱን ብቻ በማውራት የራስ ሕይወትን መዘንጋት አይገባም፡፡ የሚሰሙት ዜናዎች፤ የሚፈጸሙት ድርጊቶች የግል መንፈሳዊ ሕይወትን የመሸርሸር አቅማቸው በጣም ከፍተኛ ነው፡፡ ከእኛ የሚጠበቀው የቀደመ መንፈሳዊ ሕይወታችን መጠበቅ ማጽናት እግዚአብሔር አምላክ በፈተና ውስጥ ለቤተክርስቲያን በጐ የሆነውን ሁሉ እንዲያደርግ ጉዳዩን በጸሎት መያዝ መሆን አለበት፡፡

ቤተክርስቲያናችን መሠረተ እምነታዊ /ዶግማዊ/ በሆነ ችግር የተፈተነች እንደሆነ የቤተክርስቲያን ቋሚ ምስክር የሆኑ መጻሕፍትን፣ ትውፊተ አበውን፣ የቀድሞ የቤተክርስቲያን ድንጋጌዎችን መጠየቅ፣ ማንበብ በእርሱም መመራት ተገቢ ነው፡፡

ከመ አድኃኖሙ መልአከ እግዚአብሔር ለሕጻን ወእሙ


በዘመነ ሰማእታት ከሐድያን ነገሥታትና መኳንንት በክርስቲያኖች ላይ መከራ አጽንተውባቸው ነበር፡፡ በዚህም ምክንያት ብዙዎች ሰማእትነትን ሲቀበሉ የተቀሩት አገር ጥለው ተሰደዱ፡፡ እየሉጣም የሦስት ዓመት ህፃን የነበረውን ቅዱስ ቂርቆስን ይዛ ሸሸች በዚያም የሸሸችውን መኮንን አገኘችው ሰዎችም ነገር አሰሩባት ወደእርሷ አስቀረባት እና ስለ ጣዖት አምልኮ ጠየቃት እርሷም መኮንን ሆይ ዕድሜው ሦስት አመት የሆነው ህፃን አለ አማልክቶችህን ማምለክ መልካም እንደሆነ ወይም እንዳልሆነ ያስረዳን ዘንድ እሱን ጠይቅ አለችው፡፡

ህፃኑም ወዳለበት ጭፍራውን ልኮ ወደእርሱ አስመጣው ህፃኑም ፊቱ ብሩህና ደስተኛ እንደሆነ አየውና አንተ ደስተኛ ህፃን ሆይ እንዴት ነህ አለው፡፡ ህፃኑም መልሶ አዎ ለኔ ተጠብቆልኛል ላንተ ግን ሐዘንና ለቅሶ ጥርስ ማፋጨትም ነው፡፡ መጻሐፍ ለዝንጉዎች ተድላ ደስታ የላቸውም ብሏል እና አለው፡፡ እግዚአብሔር ኃይልና ንግግርን ሰጥቶታልና ብዙ ተናገረ በዚያም ያሉትን እስካስደነገጣቸው ድረስ ንጉሱን መኳንንቱንና ጣኦታቱን ረገማቸው፡፡ ከብርታቱም የተነሳ አደነቁ፡፡ መኮንኑም በአፈረ ጊዜ በያይነቱ በሆነ ስቃይ ታላላቆች የማይችሉትን ታላቅና አስጨናቂ የሆነ ስቃይን አሰቃየው እናቱንም ከእርሱ ጋር አሰቃያት፡፡ እግዚአብሔርም ያለ ምንም ጉዳት ያነሳቸው ነበር፡፡ ብዙዎች አህዛብም ይኸንን አይተው አደነቁ ክብር ይግባውና በጌታችን በኢየሱስ ክርስቶስም አምነው በሰማእትነት ሞቱ፡፡ የሰማእትነትንም አክሊል ተቀበሉ፡፡

በህፃኑም ላይ የመንፈስ ቅዱስ ጸጋ አደረበት፡፡ ታላላቅ ድንቆችና ተአምራቶችንም አደረገ ብዙዎች በሽተኞችንም አዳናቸው፡፡ መስፍኑም በውስጡ ሰም፣ ጨው፣ ባሩድ፣ ሙጫ፣ የዶሮ ማር፣ እርሳስ፣ ብረት፣ ቅንጭብ፣ ቁልቋል ጨምራችሁ ታላቅ የብረት ጋን አምጡልኝ ብሎ ጭፍሮቹን አዘዛቸው፡፡ ጭፍሮቹም እንዳዘዛቸው ካደረጉ በኋላ ያዘዝከንን ሁሉ ፈጽመን እሳቱ ነዶ ፈልቷል፡፡ ድምፁ እንደነጐድጓድ ይጮኸል ወላፈኑም እንደጸሐይ ነጸብራቅ በሩቁ ይጋረፋል፡፡ የፍላቱም ኃይል በ14 ክንድ ያኽል ከፍታ ወደ ላይ ይዘላል፡፡ እንግዲህ በውስጡ የሚጣሉትን እዘዝ አሉት በዚህ ጊዜ ህፃን ቂርቆስና እናቱ እየሉጣ በክርስቶስ ሥም ስለሚያምኑ አስረዋቸው ነበርና ከፍላቱ ሊጨምሯቸው ከእስር ቤት አወጧቸው፡፡ በዚያም ፍላቱ ወደላይ በሚዘል ብረት ጋን ውስጥ ለመጨመር ሲወስዷቸው የእነዚህን ቅዱሳን አሟሟት ያዩ ዘንድ በብዙ ሺህ የሚቆጠሩ ሰዎች እንዲሰበሰቡ አዘዛቸው፡፡ በዚህን ጊዜ ቅድስት እየሉጣ የፍላቱን ጩኸት
በሰማችና ባየች ጊዜ ተሸበረች፡፡ ተዘጋጅቶላት ከነበረው ክብር ልታፈገፍግ ሞከረች፡፡ ልጇ ቅዱስ ቂርቆስ ግን እናት ሆይ ከዚህ የብረት ጋን ግርማ የተነሳ አትፍሪ ድንጋጼም አይደርብሽ አናንያንና አዛርያን ሚሳኤልንም እግዚአብሔር ከእቶነ እሳት እንዳወጣቸው ሁሉ እኛንም ከዚህ ከብረት ጋን ሊያወጣን ችሎታ ያለው መሆኑን አትጠራጠሪ፡፡ እናት ሆይ ከዚህ ከሚያልፈው ዓለም ጭንቅና መከራ ለመዳን ስትይ በማያልፈው ዘላለማዊ እሳት ለመቀጣት ትመርጫለሽን ይኽስ አይሆንም ይቅርብሽ፡፡ በአሁኑ ጊዜ እግዚአብሔር በመካከላችን አለና ይረዳናል፡፡ እናት ሆይ ሶስናን ከእደ ረበናት /መምህደራነ አይሁድ/ ዳንኤልን ከአፈ አናብስት ያዳነ እርሱ እኛንም ከጋን ፍላት ያወጣናል፡፡ ይልቁንም እግዚአብሔር በዚህ የብረት ጋን ውስጥ ግዳጃችንን ልንፈጽም ፈቅዶ ከሆነ ኢዮብ ንብረቱንና ገንዘቡን ልጆቹንና ሚስቱን በመጨረሻም የተፈጥሮ አካሉን ባሳጣው ጊዜ እግዚአብሔርን አመሰግነዋለሁ እግዚአብሐር ሰጠ እግዚአብሔር ነሳ እግዚአብሔርም እንደወደደ አደረገ ከማለት በስተቀር ምንም የተናገረው ነገር እንደሌለ ሁሉ እኛም የሱን ዓላማ በመከተል ይኽንን መከራ ልንታገስ ይገባናል፡፡ ነገር ግን እናቱ በዚህ ምክር ልትጽናና ባለመቻሏ ቅዱስ ቂርቆስ ዐይኑን ወደ ሰማይ አቅንቶ አቤቱ አምላክ ሆይ ይችን ባሪያህን ከርስትህ የምትለያት ከሆነ ከባለሟልነትህ መጽሐፍ ፋቀኝ፤ አቤቱ አዝመራውን አቃጥለህ ፍሬውን ልትባርክ ትወዳለህን ይኽን እንዳታደርግ ግን ቸርነትህ ትከለክልኸለች፡፡ አቤቱ እንጨቱን ቆርጣችሁ አንድዱት ቅጠሉን ግን ጠብቁት ብለኽ ልታዝ መለኮታዊ ባሕሪህ አይደለም፡፡ ነገር ግን እንጨቱንም ቅጠሉንም በአንድ ጠብቁት ብለኽ ታዝዛለኽ እንጂ፡፡ እንግዲህ በዚህ ምክንያት ይኽንን ያየ ሁሉ ማዳን የሚችል አምላክ ቢኖራቸውስ ኖሮ ከእሳት ባልሸሹም ነበር ብሎ አይጠራጠር፡፡ አቤቱ ዲያብሎስም ከባለስልጣኑ ይልቅ እኔ በረታሁ ቅዱሳኖቹንም ድል ነሳኋቸው ብሎ እንዳይመካ ከመንጋውም አንድ በግ ቀማው በማለት እንዳይደነፋ
ለእናቴ ጽኑ የሆነ ኃይለ መንፈስ ቅዱስን ስጣት ብሎ በጸለየ ጊዜ ዲያብሎስ ከእየሉጣ አጠገብ ብን ብሎ ጠፋ፡፡ ከዚህ በኋላ ቅድስት እናቱ በሰማያዊ መንግሥት አባት የሆንከኝ ልጄ ሆይ ጌታኽ ኃይልን ሰጥቶኛልና የሚጠብቀንን ገድላችንን ፈጽመን ድል እናድርግ እነሆ በብረት ጋን ውስጥ የሚነደውን እሳት በማይበት ጊዜ በለምለም /በምንጭ/ ላይ እንደሚወርድ ጠል ሆኖ አይቸዋለሁና አለችው፡፡ እኒኽም ቅዱሳን ይኽንን በሚነጋገሩበት ጊዜ በውስጡ አንገትን የሚቆለምም ልብንም የሚያቀልጥ ሆድን የሚሰነጥቅ ሥርን የሚበጣጥስ መሳሪያ ካለበት የብረት ጋን ውስጥ ጨመራቸው፡፡ ከዚህ በኋላ የመላእክት አለቃ ቅዱስ ገብርኤል ከሰማይ ወረደና የብረቱን ጋን እሳት አጠፋው፡፡ ከቅዱሳኑም አንዳቸውንም ሳያቃጥላቸው የብረቱ ጋር ማቃጠሉና መፍላቱ ጸጥ አለ፡፡

ወንድሞቻችን ሆይ እንግዲህ
በጭንቃቸው ጊዜ ገድላቸውን እስኪፈጽሙ ድረስ ይህ መልአክ ከሰማእታትና ከጻድቃን ጐን እንደማይለይ እወቁ ለኃጥአንም ኃጢአታቸውን ይቅር ይላቸው ዘንድ ወደ እግዚአብሔር ይጸልይላቸዋል፡፡ እኛም የዚህ የሊቀ መላእክት ቅዱስ ገብርኤል በዓሉን እያከበርን አማላጅና ወዳጅ እናድርገው፡፡ በዚህም በሚመጣውም ዓለም ሊረዳን ይችላልና፡፡


ዳግመኛም መስፍኑ ሐሳቡ ሳይሳካለት ስለቀረ 14 የሾሉና የጋሉ የብረት ችንካሮች አምጥተው ሰባቱን በእናቱ በኢየሉጣ አካል ሰባቱን በራሱ በቂርቆስ አካል ማለት ሁለቱን በጆሮዎቹ ሁለቱን በዐይኖቹ ሁለቱን በአፍንጫዎቹ አንዱን በልቡ ይቸነክራቸው ዘንድ ጭፍሮቹን አዘዘ፡፡ ዳግመኛም የህፃኑን የእራስ ቆዳ ገፈው እሳት ውስጥ ይጨምሩ ዘንድ አዘዘ፡፡ አሁንም መልአኩ መጥቶ ይህንን መከራ ከእርሱ አራቀለት፡፡ ቀጥሎም በመቃን ውስጥ ጨምረው በገመድ እንዲገትቱት አዘዘ፡፡ በዚህም ጊዜ መልአኩ አዳነው፡፡ ሕዝቡም ይህንን ሁሉ ተአምር ባዩ ጊዜ እግዚአብሔርን አመሰገኑት ቅዱስ ገብርኤልንም አከበሩት፡፡


የሊቀ መላእክት የቅዱስ ገብርኤል ፣ ቅዱስ ቂርቆስ እና የእናቱ የቅድስት እየሉጣ ተራዳኢነት ጸሎት አይለየን።


“ አልቦ እም ሰብእ ዘከማየ ዘይቴክዝ ነግሀ ወሠርከ
ወአልቦ እመላእክት ናዛዜ ሕዙናን ዘከማከ
ወበእንተዝ ኀሠሥኩ አእሚርየ ኪያከ
ኦ ገብርኤል ናዝዘኒ ወአስምዓኒ ቃልከ
ዕሴተ ጸሎትየ ዝንቱ ዘአቅረብኩ ለከ”

ሐዋርያው ቅዱስ ጳውሎስ

ይህም ቅዱስ በተለያዩ ስሞች ይጠራል። ይኸውም ልሳነ ዕረፍት፣ የክርስቶስ አንደበት፤ የዕውቀት አዘቅት፤ የቤተ ክርስቲያን መብራት፤ እንደ ስሙም ትርጓሜ መሪ አመስጋኝ ወደብ ጸጥታ ነው።


ቅዱስ ጳውሎስ አስቀድሞ በክርስቶስ ያመኑትን የሚያሳድድ ነበር፤ እርሱም ከብንያም ወገን የፈሪሳዊ ልጅ ነው። ወላጆቹም ሳውል ብለው ስም አወጡለት ትርጓሜውም ስጦታ ማለት ነው። ቁመቱ ቀጥ ያለ መልኩ ያማረ ፊቱ ብሩህ ቅላቱ እንደ ሮማን ቅርፍት ደርበብ ያለ ዐይኑም የተኳለ የሚመስል አፍንጫው ቀጥ ያለ ሸንጎበታም ጉንጩ እንደ ጽጌ ረዳ ነበር።


እርሱም ሕገ ኦሪትን አዋቂ ነበረ። ለሕጉም ቀናተኛ ሆኖ ምእመናን አሳዳጅ ነበረ። ወደ ሊቀ ካህናቱም ሔዶ መንገድ የሚያገኘው ሰው ቢኖር ወንዶችንና ሴቶችን እንደ ታሠሩ ወደ ኢየሩሳሌም ይመልሳቸው ዘንድ ለደማስቆ ከተማና ለምኵራቦች የፈቃድ ደብዳቤ ለመነ። ሲሔድም ወደ ደማስቆ ከተማ አቅራቢያ በደረሰ ጊዜ ድንገት ከሰማይ መብረቅ ብልጭ አለበት በምድር ላይም ወደቀ ወዲያውም “ሳውል ሳውል ለምን” ታሳድደኛለህ የሚለውን ቃል ሰማ።


ሳውልም “አቤቱ አንተ ማነህ” አለው “አንተ የምሳድደኝ የናዝሬቱ ኢየሱስ ነኝ በሾለው ብረት ላይ ብትረግጥ አንተን ይጎዳሃል” አለው። እየተንቀጠቀጠም አደነቀ “አቤቱ ምን እንዳደርግ ትሻለህ” አለው ጌታም “ተነሥና ወደ ከተማ ግባ ልታደርግ የሚገባህን ከዚያ ይነግሩሃል” አለው። ከርሱ ጋራ ቁመው የነበሩ ሰዎችም ንግግሩን ይሰሙ ነበር ነገር ግን የሚያዩት አልነበረም።


ሳውልም ከምድር ተነሣ ዐይኖቹንም ተገልጠው ሳሉ አያይም ነበር እየመሩም ወደ ደማስቆ አስገቡት በዚያም ሳያይ ሳይበላና ሳይጠጣ ሦስት ቀን ሰነበተ። በዚያም በደማስቆ ከደቀ መዛሙርት ወገን ሐናንያ የሚባል አንድ ሰው ነበረ ጌታም በራዕይ ተገለጠለትና ሐናንያ ብሎ ጠራው እርሱም “አቤቱ ጌታዬ እነሆኝ” አለ። ጌታም “ተነሥና ቀጥተኛ ወደምትባለው መንገድ ሒድ በይሁዳ ቤትም ጠርሴስ ከሚባል አገር የመጣ ሳውል የሚባል ሰው ፈልግ እርሱ አሁን ይጸልያልና” አለው።


ሐናንያ ግን መልሶ እንዲህ አለ “አቤቱ ስለዚያ ሰው በኢየሩሳሌም በቅዱሳኖችህ ላይ የሚደርገውን ክፉ ነገር ሁሉ ከብዙ ሰዎች ሰምቻለሁ ወደዚህም ከካህናቱ አለቃ አስፈቅዶ የመጣ ስምህን የሚጠሩትን ሁሉ ሊያሥር ነው”። ጌታችንም “ተነሥና ሒድ በአሕዛብና በነገሥታት በእስራኤልም ልጆች ፊት ስሜን ይሸከም ዘንድ ለእኔ የተመረጠ ዕቃ አድርጌዋለሁና። እኔም ስለ ስሜ መከራ ይቀበል ዘንድ እንዳለው አሳየዋለሁ”።


ያን ጊዜም ሐናንያ ሔደ ወደ ቤትም ገባ “ወንድሜ ሳውል በመንገድ ስትመጣ የታየህ ጌታችን ኢየሱስ ታይ ዘንድ የመንፈስ ቅዱስም ጸጋ ይሞላብህ ዘንድ ወደ አንተ ልኮኛል” አለው። ያን ጊዜም ዐይኖቹም ተገለጡ። ወዲያውም አየ ተነሥቶም ተጠመቀ እህልም በልቶ በረታ። ከደቀ መዛሙርትም ጋር በደማስቆ ጥቂት ቀን ሰነበተ። በዚያው ጊዜ የእግዚአብሔር ልጅ ነው ብሎ ስለ ኢየሱስ ክርስቶስ ሰበከ አስተማረም። የሰሙትም ሁሉ አደነቁ እንዲህም አሉ “በኢየሩሳሌም ይህም ስም የሚጠሩትን ሁሉ ያሳድድ የነበረ ይህ አልነበረምን ወደዚህስ የመጣው እያሠረ ወደ ሊቀ ካህናቱ ሊወስዳቸው አይደለምን” አሉ።


አጽናኝ መንፈስ ቅዱስም አደረበት እውነተኛንም ሃይማኖት ግልጽ አድርጎ አስተማረ። ለኦሪት ሕግ የሚቀና እንደ ነበረ እንዲሁ ክብር ይግባውና ጌታችን ኢየሱስ ክርስቶስ ለሠራት ሕግ ወንጌል ዕጽፍ ድርብ ቅንዓትን የሚቀና ሆነ። ከዚህም በኋላ በአገሮች ሁሉ ዞሮ ሰበከ በጌታችንም ስም ሰበከ። ድንቆችንና ተአምራትንም አደረገ። ቁጥር የሌላቸው ብዙዎች አሕዛብንም አሳመናቸው ነገር ግን ብዙ ጊዜ በመገረፍ በመደብደብና በመታሠር ብዙ መከራ ደረሰበት መከራውንም ሁሉ ታግሶ በሁሉ ቦታ አስተማረ።


በሐዋርያት ሥራ መጽሐፍ እንደተጻፈ የእግዚአብሔርን ሥራ ሲሠሩ ሲጾሙና ሲጸልዩ መንፈስ ቅዱስ “እኔ እነርሱን ለመረጥሁለት ሥራ ሳውልና በርናባስ ለዩልኝ” አላቸው። ከዚህም በኋላ ጾመውና ጸልየው እጃቸውንም በራሳቸው ላይ ጭነው ሾሙአቸው ከመንፈስ ቅዱስም ተሹመው ወደ ሴሌውቅያ ወረዱ።


በደሴቱም ሁሉ ሲዘዋወሩ ጳፋ ወደ ምትባል አገር ደረሱ። በዚያም ሐሰተኛ ነቢይ የሆነ ስሙ በርያሱስ የሚባል አንድ ሥራየኛ አይሁዳዊ ሰው አገኙ እርሱም ሰርግዮስ ጳውሎስ ከሚባል ብልህ ሰው ከሆነ አገረ ገዥ ዘንድ የነበረ ነው። የእግዚአብሔርን ቃል ሊሰማ ወዶ በርናባስንና ሳውልን ጠራቸው። የስሙ ትርጓሜ እንዲህ ነበርና ኤልማስ የሚሉት ያ ሴረኛ ሰው ይከራከራቸው ነበር ገዥውንም ማመንን ሊከለክለው ወዶ ነበር።


ጳውሎስ በተባለው ሳውል ላይም መንፈስ ቅዱስ መላበት። አተኵሮም ተመለከተው “ኃጢአትንና ክፋትን ሁሉ የተመላህ የሰይጣን ልጅ የጽድቅ ሁሉ ጠላት ሆይ የቀናውን የእግዚአብሔርን መንገድ እያመጣመምኽ ተው ብትባል እምቢ አልኽ እነሆ አሁን የእግዚአብሔር እጅ በአንተ ላይ ተቃጥታለች ትታወራለህ እስከ እድሜ ልክህም ፀሐይን አታይም” አለው። ወዲያውኑም ታወረ ጨለማም ዋጠው የሚመራውንም ፈለገ አገረ ገዥውም የሆነውን አይቶ ደነገጠ በጌታችንም አመነ።


ከዚህ በኋላ ሒደው ወደ ሊቆኦንያ ከዚያም ወደ ልስጥራንና ደርቤን ከተማ ወደ አውራጃውም ሁሉ ገብተው አስተማሩ። በልስጥራን ከተማም ከእናቱ ማኅፀን ጀምሮ እግሩ ልምሾ የሆነ አንድ ሰው ነበረ ተቀምጦ ይኖር ነበረ እንጂ ልምሾ ከሆነ ጀምሮ ቁሞ አልሔደም። ቅዱስ ጳውሎስንም ሲያስተምር አደመጠው ጳውሎስ ተመልክቶ ሃይማኖት እንዳለው እንደሚድንም ተረዳ። ድምፁንም ከፍ አድርጎ “በጌታችን በኢየሱስ ክርስቶስ ስም ተነሥና ቀጥ ብለህ ቁም እልሀለሁ” አለው ወዲያውኑ ተነሥቶ ሔደ። አሕዛብም ቅዱስ ጳውሎስ ያደረውን አይተው በጌታችን አመኑ…።
ከዚህም በኋላ ከሐዋርያ ፊሊጶስ ጋር ወደ ሁለት አገሮች በአንድነት ሔዱ ከዚያም በጌታችን ስም ሰበኩ የአገሩም አለቆች ያዟቸው እጆቻቸውንና እግሮቻቸው አሰሯቸው በአንገቶቻቸውም የብረት ሰንሰለቶችን አስገቡ እራሳቸውንም የሸፋን የብር ቆብን ሰሩላቸው ዳግመኛም በእጅና በእጅ በጣቶችም ምሳሌ ሰሩ በእጆቻቸውና በክንዶቻቸው እያንዳንዱን የብረት እጅ ጨመሩ። ከብረቶችም ጋር ቸነከሯቸው።


ሁለተኛም እስከ አንገት የሚደርስ በትከሻ አምሳል ሰሩ በፊትና በኋላም ቸነከሯቸው ደግሞም መላ አካላቸውን የሚከብና ከአካላቸው ምንም እንዳይታይ የሚሸፍን የብረት ሰሌዳ ሰሩ ከወገቦቻቸው ጋራ ቸነከሯቸው ችንካሮችም ተረከዛቸውን ነድለው ወደ ጭኖቻቸው እስከሚደርሱና እስከሚያቆስሏቸው ድረስ የብረት ጫማ ሰርተው እግሮቻቸውን ቸነከሩ። ደግሞ በመሸፈኛ አምሳል የብረት ሰናፊል ሠሩ ቀማሚዎችም መጡ አንድ መክሊት የሚመዝን እርሳስንም አመጡ ታላቅ የብረት ጋንንም ሰባት ልጥር የሰሊጥ ቅባት አመጡ። ስቡንና አደሮ ማሩን የእሳቱን ኃይል አብዝቶ የሚያነደውን ቅመሙን ከሙጫውና ከድኙ ጋር ቀላቀሉት ከዋርካና ከቁልቋል ከቅንጭብም ደም ሰባት ልጥር አንድ ወይን ሐረግንና ቅባት ያለቸውን እንጨቶች ሁሉ አመጡ።

በጋን ውስጥ ያበሰሉትንና ያሟሙትን ልዩ ልዩ ቅመምን አምጥተው ከሥጋቸው እስሚጣበቅ በቅዱሳን ሐዋርያት ሥጋ ላይ ባሉት ሠሌዳዎች ውስጥ ጨመሩት። ከእግራቸው እስከ ራሳቸው ከፍ ከፍ እስከሚል ድረስ በእሳት ያቀለጡትን ያንን እርሳስ ጨመሩት። ርዝመቱ ዐሥራ አምስት ክንድ በሆነ ወፍራም የጥድ ምሰሶ ላይም አቆማቸውና ከበታቻቸው ፍሬ በሌለው በወይን ሐረግና በተልባ እሳቱን አቀጣጥለው አነደዱ። የእሳቱም ነበልባልም ከሥጋቸው በላይ ከፍ ከፍ አለ ሐዋርያትን ግን ወደ እግዚአብሔር ይጸልዩ ነበር።
ከመኳንቱም በአንዱ ልብ ርኅራኄ አሳደረና እንዲፈቷቸው አዝዞ ፈቷቸው። በፈቷቸውና ሠሌዳው ከሥጋቸው ላይ ባስወገዱ ጊዜ ቆዳቸው ተገፈፈና ከብረቱ ሠሌዳዎች ጋር ወጣ። ብዙ ደምም ከሥጋቸው ፈሰሰ።


ሰይጣንም በከተማው ሰዎች ልብ አደረና ሐዋርያትን ወደ እሳት ውስጥ መለሷቸው ያን ጊዜ ጌታችን ወርዶ የእሳቱ ነበልባል አጠፋው። ዝናብን የተሞላች ብርሕት ደመና መጥታ ቅዱሳን ሐዋርያት ከበበቻቸው በዚያም አገር አንድ ጊዜ በደንጊያ በመወገር አንድ ጊዜም በፍላጻ በመንደፍ ብዙ ተሰቃዩ። ከዚህም በኋላ ሙታንን በአነሱ ጊዜ የከተማው ሰዎች ሁሉ አመኑ አጠመቋቸው። ቤተ ክርስቲያንንም ሠሩላቸው ካህናትንም ሾሙላቸው በቀናች ሃይማኖት እስኪጸኑ አስተማሯቸው። ከዚያም ወጥተው ጌታችን ወደ አዘዛቸው ወደ ሌላ አገር ሔዱ።


ክብር ይግባውና ጌታች ኢየሱስ ክርስቶስ ለቅዱስ ጳውሎስ ተገለጠለትና “የመረጥኩህ ጳውሎስ ሆይ ስላም ላንተ ይሁን። መታሰቢያህን የሚደርገውን፣ በስምህ ቤተ ክርስቲያን የሚሰራውንና የሚጸልየውን፣ ስለትንና መባንም የሚሰጠውን፣ በመታሰቢያህም ቀን ለድኆች የሚመጸውተውን ሁሉ ከአንተ ጋር በመንግሥተ ሰማያት አኖራቸዋለሁ” አለው። “በስምህ የታነጹትም አብያተ ቤተ ክርስቲያናት መላእክቶቼን እንዲጠብቋቸው አደርጋቸዋለሁ” ቡዙ ቃል ኪዳንም ሰጠው። በመለኮታዊ አፉ አፉን ሳመውና ከእርሱ ዘንድ ወደ ሰማያት ዐረገ።


ከዚህም በኋላ እልዋሪቆን ወደ ምትባል ታላቅ አገር እስከሚደርስ በብዙ አገሮች ውስጥ ተመላለሰ በዚያም የብርሃን እናት እመቤታችን ቅድስት ድንግል ማርያም ተገልጻለት አረጋጋችው ረዳችውም የአገሩን ሰዎች እንዲያጠምቃቸውና እንዲያስተምራቸው አዘዘችው።
ከዚህም በኋላ ወደ ሮሜ ከተማ ገብቶ በውስጧ ሰበከ በስብከቱም ብዙዎች ሰዎች አምነው የክርስትናን ጥምቀትን አጠመቃቸው። በመጻፍትነት የታወቁ ዐሥራ አራት መልክቶችን ጻፈ የመጀመሪያ መልክቱም ለሮሜ የተጻፈችው ናት።


መልካም ሩጫውን ከፈጸመ በኋላ ንጉሥ ኔሮን ይዞ ጽኑ ሥቃይ አሰቃየው። ራሱንም በሠይፍ እንዲቆርጡት ለሠያፊ ሰጠው ከሠያፊውም ጋር አልፎ ሲሄድ ከንጉሥ ኔሮን ዘመዶች ወገን የሆነች አንዲት ብላቴና አገኘችው እርሷም ክብር ይግባውና በጌታችን ያመነች ነበረች ስለእርሱ አለቀሰች። እርሱ ግን “መጎናጸፍያሽ ስጭኝ እኔም ዛሬ እመልስልሻለሁ” አላት። እርሷም መጎናጸፍያዋን ሰጠችውና ራስ ወደሚቆርጡበት ቦታ ሔደ። ለሠያፊው ራሱ በዘነበለለት ጊዜ በመጎናጸፍያዋ ፊቱን ሸፈነ ሠያፊው የቅዱስ ጳውሎስ ራስ ሐምሌ 5 ቀን ቆርጦ በዚያች ብላቴና መጎናጸፍያ እንደተሸፈነ ጣለው።


ሠያፊው ጳውሎስን እንደገደለው ለንጉሥ ሊነግረው በተመለሰ ጊዜ ያቺ ብላቴና አገኘችው “ያ ቅዱስ ጳውሎስ ወደ አለ” አለችው። ራስ በሚቆርጥበት ቦታ ወድቋል ራሱም በመጎናጸፍያሽ ተሸፍኗል” አላት። እርሷም እንዲህ ብላ መለሰችለት “ዋሽተሃል እነሆ ጴጥሮስና ጳውሎስ በእኔ ዘንድ አልፈው ሔዱ እነርሱም የመንግሥት ልብስን ለብሰዋል በራሳቸውም ላይ በእንቊ የተጌጡ አይንን የሚበዘብዙ አክሊላትን አድርገዋል። መጎናጸፍያዬን ሰጡኝ። እርሷም እነኋት ተመልከታት” ብላ ለዛያ ሠያፊ አሳየችው። ከእርሱ ጋር ለነበሩትም አሳየቻቸው። አይተውም አደነቁ ስለዚህም ክብር ይግባውና በጌታችን በኢየሱስ ክርስቶስ አመኑ።


ለዚህም ሐዋርያው ቅዱስ ጳውሎስ ተአምራቶች ቁጥር የሌላቸው እጅግ የበዙ ናቸው። ለእግዚአብሔር ምስጋና ይሁን እኛን በቅዱስ ጳውሎስ በጸሎት ይማረን ።

ዐምደ ሃይማኖት ቅዱስ ቄርሎስ

ቅዱስ ቄርሎስ


አባ ቄርሎስ፦ ይህም አባት ለእስክንድርያ (ለግብጽ) ለአባቶች ሊቃነ ጳጳሳት ሃያ አራተኛ ነው። ይህም ቅዱስ የእናቱ ወንድም በሆነው በአባ ቴዎፍሎስ ዘንድ አደገ፤ ጥቂት ከፍ ባለ ጊዜም ወደ አስቄጥስ ወደ መቃርስ ገዳም ላከው በዚያም አምላካውያን የሆኑ መጻሕፍትን ተማረ እግዚአብሔርም መጽሐፍትን አንድ ጊዜ አንብቦ እስከሚያጸናው ድረስ ዕውቀትንና ማስተዋልን ሰጠው።


ከዚህም በኋላ ደግሞ ያስተምረው ዘንድ ለአባ ሰራብዮን ሰጠው ከእርሱም ዘንድ ያለውን ትምህርትን በፈጸመ ጊዜ ወደ ሊቀ ጳጳሳት ቴዎፍሎስ መለሰው። እርሱም እጅግ ደስ ተሰኘበት እግዚአብሔርንም አመሰገነው። ከዚህም በኋላ ሁል ጊዜ መጻሕፍትን እንዲያነብና ሕዝቡን እንዲያስተምር ለሊቀ ጵጵስና ሥራ ውስጥ ሾመው። ከትምህርቱም ጣዕም የተነሣ ዝም ይል ዘንድ ማንም አይወድም ነበር።


አባ ቴዎፍሎስ ካረፈ በኋላ በእስክንድርያ ከተማ ላይ ይህን አባ ቄርሎስን ሊቀ ጵጵስና ሾሙት በዘመኑም በትምህርቱ ቤተ ክርስቲያን በራች። ይኸው አባት ቄርሎስ የቊስጥንጥንያ ሊቀ ጳጳሳት የነበረው ንስጥሮስ በካደ ጊዜ በንጉሥ ቴዎዶስዮስ ዘመን የሁለት መቶ ኤጲስቆጶሳት ጉባኤ ማኅበርን በኤፌሶን ከተማ ሰበሰበ። ይህ አባት ቄርሎስን መረጠው ሊቀ ጉባኤ አደረጉት ንስጥሮስንም ተከራከረው ስህተቱንም ገለጠለት ከስህተቱም ባልተመለሰ ጊዜ አውግዘው ከመንበረ ሲመት አሳደዱት።


ይህም አባት ቄርሎስ አሥራ ሁለት አንቀጾችን ደረሰ። በውስጣቸውም የቀናች ሃይማኖትን ገለጠ። ከዚህም በኋላ ግን ብዙዎች ድርሳናትን ተግሳጻትንና መልእክቶችን ደረሰ። እነዚህም በሁሉ ቦታ በምእመናን እጆች ይገኛሉ።


ቅዱስ ቄርሎስ እግዚአብሔር ቃል ከትስብእቱ ጋራ ከተዋሐደ በኋላ በሥራ ሁሉ በምንም በምን የማይለያይ አንድ አካል አንድ ባሕሪይ እንደሆነ አስረዳ። ቄርሎስም ሃይማኖታቸው ከቀና ከሦስት መቶ አሥራ ስምንት አባቶች ሃይማኖት ወጥተው ክርስቶስን ወደ ሁለት የሚከፍሉት መናፍቃንን ሁሉንም አውግዞ ለያቸው።


ወንጌላዊው ቅዱስ ማርቆስ መንበር ላይ ሠላሳ ሁለት ዓመት ኖረ መልካም የሆነው ሥራውም ፈጽሞ ሐምሌ 3 ቀን በሰላም ዐረፈ። ለእግዚአብሔር ምስጋና ይሁን እኛንም በአባ ቄርሎስ ጸሎት ይማረን በረከቱም ከእኛ ጋር ትኑር ለዘላዓለሙ አሜን።


“ሰላም ለቄርሎስ ወልደ አንበሳ ጽኑዕ፤ ነባቢ ምስጢረ ሥላሴ ቅድስት፤ ዘተናገረ ላዕለ መለኮት”።


ትርጉም፦ በመለኮት ላይ የተናገረ፤ የቅድስት ሥላሴን ምስጢርን ተናጋሪ፤ ብርቱ (ጠንካራ) ለኾነ ለአንበሳው ልጅ ለቄርሎስ ሰላምታ ይገባል።

ሊቁ አባ ጊዮርጊስ ዘጋስጫ በተአምኆ ቅዱሳን ላይ።

የነቢይ፣ ሰማዕትና ሐዋርያ መጥምቁ ቅዱስ ዮሐንስ ልደት፦

ሃሌ ሉያ “ሰምዑ አዝማዲሃ ወሰብአ ቤታ። እስመ አዕበየ እግዚአብሔር ሣህሎ ላዕሌሃ። ወተፈሥሁ ፍሥሃ ፈድፋደ። ወፈቀዱ ይስምይዎ በስመ አቡሁ ዘካርያስ። ወትቤ እሙ ዮሐንስሃ ይሰመይ”። ሊቁ ቅዱስ ያሬድ በድጓው ላይ።


የነቢይ፣ ሰማዕትና ሐዋርያ መጥምቁ ቅዱስ ዮሐንስ ልደት፦ ይህም በእናቱ ማኅፀን ውስጥ ሳለ ለእግዚአብሔር ልጅ የሰገደው ነው። ይህም በመድኅን ክርስቶስ ራስ ላይ እጁን ጭኖ በውኃ ያጠምቀው ዘንድ የተገባው ነው።


በቅዱስ ወንጌል እንደ ተነገረ ወንድ ልጅን ትወልድ ዘንድ የኤልሳቤጥ የፅንሷ ወራት በተፈጸመ ጊዜ ወንድ ልጅን ወለደች። ዘመዶቿና ጎረቤቶቿ እግዚአብሔር ቸርነቱን እንዳበዛላት በሰሙ ጊዜ ስለርስዋ ደስ አላቸው። በስምንተኛውም ቀን ሊገዝሩት መጡ በአባቱ ስም ዘካርያስ ብለው ጠሩት። እናቱ ግን “አይሆንም ዮሐንስ ይባል” አለች። “ከዘመዶችሽ ስሙ እንዲህ የሚባል የለም” አሏት።


አባቱንም ጠቅሰው “ማን ሊባል ትወዳለህ” አሉት። እርሱም ብራና ለምኖ ስሙ “ዮሐንስ ይባል” ብሎ ጻፈ። ሁሉም አደነቁ። ያን ጊዜም አንደበቱ ከድዳነት ተፈትቶለት ተናገረ እግዚአብሔርንም ፈጽሞ አመሰገነው። ስለ ልጁና ስለ መድኃኒታችን መምጣት ልጁ ዮሐንስም የልዑል ነቢይ እንደሚባልና በእግዚአብሔርም ፊት እንደሚሔድ ትንቢት ተናገረ።


ሰብአ ሰገልም መጥተው ከሔዱ በኋላ ሄሮድስ ሕፃናትን በገደላቸው ጊዜ ስለ ሕፃኑ ዮሐንስ ለሄሮድስ ነገሩት እንዲገድሉትም ጭፍሮችን ላከ ጭፍሮችም ወደ አባቱ ዘካርያስ መጡ ሕፃኑንም ከእርሱ ፈለጉት አባቱም አንሥቶ በትከሻዎቹ ተሸክሞ ወደ ቤተ መቅደስ ከእርሱ ጋራ እንዲሔዱና ሕፃኑን ከዚያ እንዲወስዱት ወታደሮችን ለመናቸው።


ከዚህም በኋላ ሕፃኑን በመሠዊያው ጠርዝ ላይ አኖረውና “ከዚህ ራሳችሁ ተቀብላችሁ ውሰዱት” አላቸው ወዲያውኑ የእግዚአብሔር መልአክ ነጥቆ ወደ በረሀ ወሰደው። ጭፍሮችም ባላገኙት ጊዜ አባቱ ዘካርያስን ገደሉት። ሕፃኑ ግን አድጎ ለእስራኤል እስከተገለጠበት ጊዜ ድረስ በበረሀ ውስጥ ኖረ።


“የእግዚአብሔርን መንገድ ጥረጉ ጥርጊያውንም አስተካክሉ እያለ በምድረ በዳ የሚጮህ የዐዋጅ ነጋሪ ድምጽ እነሆ” ብሎ ኢያሳያስ የተናገረለት ይህ ነው። ሚልክያስም ስለርሱ እንዲህ አለ “በፊትህ ጎዳናዬን አስተካክሎ የሚጠርግ መልአክተኛዬን እኔ እሰዳለሁ”።ራሱ መድኃኒታችንም ስርሱ ሲናገር “ሴቶች ከወለዷቸው መጥምቁ ዮሐንስን የሚበልጠው የለም” ብሏል። ይህ ቅዱስ የእግዚአብሔርን ልጅ በአጠመቀውና የማትዳሠሥ ራሱን በዳሠሠው ጊዜ “የምወደው ልጄ ይህ ነው እርሱን ስሙት” የሚል የአብን ቃል ሰምቷልና። ዳግመኛም ክብር ይግባውና በመድኃኒታችን በኢየሱስ ክርስቶስ ራስ ላይ መንፈስ ቅዱስ ወርዶ ሲቀመጥም አይቷልና።

እኛንም መድኃኒታችን እንዲምረንና ይቅር እንዲለን በአማላጅነቱ እያመን መታሰቢያውን እናድርግ የመጥምቀ መለኮት የቅዱስ ዮሐንስ በረከቱም እኛ ጋራ ትኑር ለዘላለሙ አሜን።

አባ ሙሴ ጸሊም

ሙሴ ጸሊም

ሰዎች ከገድሉ የተነሣ ይህን ቅዱስ ያደንቁታል እርሱ አስቀድሞ መንግሥተ ሰማያትን ገፍቷት ነበርና እርሱ በሥጋው ጠንካራ በሥራውም ኃይለኛ ነበር ይበላና ይጠጣ፣ ይቀማና ያመነዝር ነበር ይገድልም ነበር ማንም ሊቋቋመው አይችልም ነበር። አንድ በግ በአንድ ጊዜ ጨርሶ እንደሚበላና አንድ ፊቀን ወይን ጠጅ እንደ ሚጠጣ ስለ እርሱ ተነግሮአል። እርሱም ፀሐይን ለሚያመልኩ ሰዎች አገልጋይ ነበር ብዙ ጊዜም ወደ ፀሐይ እያንጋጠጠ “ፀሐይ ሆይ አንተ አምላክ ከሆንክ አነጋግረኝ” ይል ነበር ደግሞም በልቡ “የማላውቅህ ሆይ ራስህን አሳውቀኝ” ይል ነበር።


ከዚህም በኋላ በአስቄጥስ ገዳም ያሉ መነኰሳት እግዚአብሔርን ያውቁታል ያዩታልም እያሉ ሲነጋገሩ ሰዎችን ሰማቸው። ያን ጊዜም ተነሣ ሰይፉንም ታጥቆ ወደ አስቄጥስ ገዳም ሔደ በደረሰም ጊዜ አባ ኤስድሮስን አገኘው። አባ ኤስድሮስም ፈራው ሙሴ ጸሊምም “እውነተኛውን አምላክ ታሳውቁኝና ታስረዱኝ ዘንድ ወደ እናንተ መጣሁ” አለው። አባ ኤስድሮስም ወደ አባ መቃርስ ወስዶ አገናኘው። እርሱም ተቀብሎ ሃይማኖትን አስተማረው እንዲለህም አለው “ታግሠህ የማስተምርህን ከጠበቅህ እግዚአብሔርን ታየዋለህ።”


ከዚህም በኋላ የክርስትና ጥምቀትን አጥምቆ አመነኰሰው ከብዙዎች ገድለኞች ቅዱሳን ይልቅ ብዙና ጽኑዕ ገድልን መጋደል ጀመረ። ሰይጣንም ቀድሞ ሲሠራው በነበረ በመብሉና በመጠጡ መዝሙቱም ይዋጋው ነበረ እርሱም በራሱ ላይ የሚደርስበትን ሁሉ ለአባ ኤስድሮስ ይነግረው ነበር እርሱም አጽናንቶ ሊሠራው የሚገባውን ያስተምረው ነበር።


ከገድሉ ብዛትም የተነሣ አረጋውያን መነኰሳት በሚተኙ ጊዜ ቤቶቻቸውን በመዞር ውኃ መቅጃዎችን ወስዶ ውኃ መልቶ በየቤታቸው ደጃፍ ያኖር ነበር። ውኃው ከእርሱ ሩቅ ነበረና እንዲም እያደረገ በመጋደል በብዙ ዘመናት ኖረ። ሰይጣንም በእርሱ ቀንቶ በእግሩ ውስጥ አስጨናቂ የሆነ አመታትን መታው ተኝቶም እየተጨነቀ ብዙ ቀን ታመመ።
ከዚህም በኋላ የመታውና የሚፈታተነው ሰይጣን እንደሆነ ዐውቆ ሥጋው በእሳት ተለብልቦ እንደ ደረቀ ዕንጨት እስኪሆን ድረስ ተጋድሎውንና አገልግሎቱን አበዛ። እግዚአብሔርም ትዕግሥቱን አይቶ ከደዌው ፈወሰው የሰይጣንንም ጦር ከእርሱ አራቀለት የመንፈስም ጸጋ አደረበት ወደርሱም አምስት መቶ ወንድሞች መነኰሳት ተሰበሰቡ በእነርሱም ላይ አበ ምኔት ሆነ።


ከዚህም በኋላ ቅስና ሊሾሙት መረጡት በቤተ መቅደስም ሊቀ ጳጳሳቱ ዘንድ በአቆሙት ጊዜ ሊቀ ጳጳሳቱም አልፈቀደም ነበር አረጋውያኑንም “ይህን ጠቋራ ለምን አመጣችሁት ከዚህ አውጡት” አላቸው እርሱም “መልክህ የከፋ ጠቋራ ሆይ መልካም አደረጉብህ” በማለት ራሱን እየገሠጸ ወጣ ከዚህ በኋላ ዳግመኛ ሊቀ ጳጳሳቱ ጠራውና እጁን በላዩ ጭኖ ቅስና ሾመው እንዲህም አለው “ሙሴ ሆይ እነሆ በውስጥም በውጭም ሁለመናህ ነጭ ሆነ”።


በአንዲትም ዕለት ቅዱሳን አረጋውያን ወደርሱ መጡ በእርሱም ዘንድ ውኃ አልነበረም እርሱም ከበዓቱ ብዙ ጊዜ ወጣ ገባ ይል ነበር ከዚህም በኋላም ብዙ ዝናም ዘንሞ ጒድጓዶችን ሁሉ ሞላ። አረጋውያንም ለምን ብዙ ጊዜ ወጣ ገባ ትል ነበር ብለው ጠየቁት እርሱም “እግዚአብሔርን ውኃ ካልሰጠኸኝ ቅዱሳን አገልጋዮችህን ምን አጠጣቸዋለሁ እለው ነበር ።በቸርነቱም ዝናምን ልኮልን ውኃን አገኘን” አላቸው።


በአንዲት ዕለት አባ ሙሴ ከአረጋውያን ጋር ወደ አባ መቃርስ ሔደ አባ መቃርስም የሰማዕትነት አክሊል ያለው ከእናንተ ውስጥ አንዱን እነሆ አያለሁ” አላቸው አባ ሙሴም “አባቴ ሆይ ምናልባት እኔ እሆናለሁ በሰይፍ የገደለ በሰይፍ ይገደል ዘንድ አለው የሚል ጽሑፍ አለና” ብሎ መለሰ።


ከዚህም በኋላ የበርበር ሰዎች መጡ አባ ሙሴም ከእርሱ ጋራ ያሉትን መነኰሳት “እነሆ የበርበር ሰዎች ደረሱ መሸሽ የሚፈልግ ይሽሽ” አላቸው እነርሱም “አባታችን አንተስ አትሸሽምን” አሉት እርሱም “በሰይፍ የገደለ በሰይፍ ይገደላል ስለ ሚለው የእግዚአብሔር ቃል እነሆ ያቺን ቀን ለብዙ ዘመናት ስጠብቃት ኖሬአለሁ” አላቸው። ወዲያውኑም የበርበር ሰዎች ገብተው በሰይፍ ገደሉት መሸሽ ስለ አልፈለጉ ከእርሱ ጋር ሰባት መነኰሳትም ተገደሉ አንዱ ግን ከምንጣፍ ውስጥ ተሠወረ የእግዚአብሔርንም መላአክ አየ በእጁም አክሊል ነበር እርሱም ቆሞ ይጠብቅ ነበር። ይህንንም በአየ ጊዜ ከተሠወረበት ወጣ የበርበር ሰዎችም ገደሉት የሰማዕታትንም አክሊል ተቀበለ።


ወንድሞች ሆይ ከሀዲና ነፍሰ ገዳይ ቀማኛና ዘማዊ የነበረውን ለውጣ ደግ አባት መምህርና የሚያጽናና ለመነኰሳትም ሥርዓትን የሠራ ካህን እንዳደረገችው በሁሉም አብያተ ክርስቲያን ስሙ እንዲጠራ እንዳደረገችው የንስሐን ኃይሏን ተመልከቱ።


ሥጋው በአስቄጥስ ገዳም ደርምስ በተባለ ቦታ ለዘላለም ይኖራል ከእርሱም ብዙዎች ድንቆችና ተአምራት ይታያሉ። ለእግዚአብሔር ምስጋና ይሁን እኛንም በአባ ሙሴ ጸሊም በጸሎቱ ይማረን በረከቱም ከእኛ ጋራ ትኑር ለዘላለሙ አሜን።

ምንጭ፦ የሰኔ 24 ስንክሳር።


“ሰላም ዕብል ለሙሴ ጸሊም። እንተ ነበረ ዕጉሠ ውስጤ ገዳም። ሶበ ተዘከረ ኵሎ እከያቲሁ ዘቅድም እትቀተል ይቤ በመጥባሕተ በርበር ዮም። ዘእንበለ ደም ኢይነጽሕ ደም”። ሊቁ አርከ ሥሉስ (አርኬ) የሰኔ 24።


የዋሃት ያለው ሰው እንዴት ያለ ነው?


የዋሃት ወይም ደግነት ጌታ ከእርሱ እንማረው ዘንድ የጠየቀን እጅግ ጠቃሚ ምግባር ነው፡፡<<ከእኔ ተማሩ እኔ የዋህ በልቤም ትሑት ነኝና፡፡ማቴ 11-29 ብሏልና፡፡ ከእርሱ ስብከትን መምህርነትን፣አገልግሎትን፣ፍቅርን፣ ምህረትን፣ጥበብን እና ሌሎች ምግባራትን እና ፍጹምነትን ሁሉ እንድንማር ጠይቆናል ፍጹምነትን እና ምግባር ሁሉ ይወክላል ነገር ግን በየውሃት እና ቸርነት ላይ ትኩረት ያደርጋል፡፡ይህንን ለሚማሩትም <<ለነፍሳችሁ እረፍት ታገኛላችሁ>> ብሏቸዋል፡፡


አባቶች ሐዋርያት በንግግራቸው ውስጥ ስለየዋህነት በተደጋጋሚ ተናግረዋል፡፡ሐዋርያው ቅዱስ ጳውሎስ <<ወንድሞች ሆይ ሰው በማናቸውም በደል ስንኳ ቢገኝ መንፈሳውያን የሆናችሁ እናንተ እንደዚህ ያለውን ሰው በየዋሃት መንፈስ አቅኑት አንተ ደግሞ እንዳትፈትን ራስህን ጠብቅ፡፡ገላ 6÷1 አለ፡፡

የዋህ ሰው መልካም ጠባይ ያለው እና ሰላማዊ ሰው ነው፡፡እርሱ ሁል ጊዜ የተረጋጋ ነው፡፡ጠባዩ የረጋ ነው ንግግሮቹ ስሜቶቹ እና እንቅስቃሴዎቹም ሰላማዊ ናቸው፡፡ውጪያዊ ገጽታው ብቻ ሳይሆን እሱነቱም እርጋታ የተሞላበት ነው፡፡ልቡና ስሜቶቹ የረጉ ናቸው፡፡ከሌሎች ሰዎች ጋር በሚያደርጋቸው ውይይቶች እና ንግግሮች የረጋ ነው፡፡ዳግመኛም<<ሙሴም በምድር ላይ ካሉት ሰዎች ሁሉ ይልቅ እጅግ ትሑት ሰው ነበር፡፡ዘኁ 12÷3 የየዋህ ሰው ድምጽ ሁልጊዜ የዋህ ነው፡፡ ድምጹ ፈጽሞ ከፍተኛና ኃይለኛ አይደለም፡፡ንግግሮቹ ጎጂም አስቸጋሪም አይደሉም የረጋ እና አነስተኛ ድምጽ የሚመስል ነው፡፡ይህም የየዋሁ ጌታችንን ድምጽ የሚመስል ነው፡፡ እግዚአብሔር ነብዩ ኤልያስን ከአጭበርባሪዋ ከንግስት ኤልዛቤል ሲሸሽ ባገኘው ጊዜ በእግዚአብሔር ፊት ትልቅና ብርቱ ነፋስ ነፈሰ እግዚአብሔር ግን በነፋሱ ውስጥ አልነበረም፡፡ ከነፋሱም በኋላ በምድር መናወጥ ሆነ እግዚአብሔር ግን በምድር መናወጥ ውስጥ አልነበረም፡፡ከምድር መናወጥ በኋላ እሳት ሆነ እግዚአብሔር ግን በእሳቱ ውስጥ አልነበረም፡፡ከእሳቱም በኋላ ትንሽ የዝምታ ድምጽ ሆነ ድምጹም<< ኤልያስ ሆይ በዚህ ምን ታደርጋለህ?>> የሚል የእግዚአብሔር ድምጽ ነበር፡፡ 1ኛ ነገ 19÷1-13


የዋህ በስሜቱ ኃይልና ቁጣ የለበትም፡፡ እርሱ የረጋ እና ተቃውሞ የማያስነሳ ወይም የማይቀሰቅስ ነው፡፡ፍጹም ንዴት አያገኘውም፡፡በስሜትም በስሜታዊነትም አይነሳሳም ነገሮቻችንም አይጋፈጥም ስሜቶቹ ሁል ጊዜ ሰላማዊ ናቸው የፊት ገጽታዎቹም መልካም ባህሪይ እና ደስታ የተላበሱ ናቸው፡፡ማንም ቢያስከፋውም በትዕግስት በጽናት ይጋፈጣል፡፡


ጌታችን ኢየሱስ ክርስቶስ በስቃዩና ወደ ስቅለት በተጓዘበት መንገድ <<ለመታረድ እንደሚነዳ ጠቦት በሸላቶቹ ፊት ዝም እንደሚል በግ>> እንዴት እንደነበረ ተመልከት፡፡የዋህ ሰው ራሱን እንደታዛቢ አድርጎ በሌሎች ላይ አያስቀምጥም ራሱን እንደ ዳኛ በሌሎች ዘንድ ጣልቃ እንደሚገባ አድርጎ አያስቀምጥም፡፡ሌሎች ለመታዘብ እና በሥራቸው ላይ ለመፍረድ ለራሱ ሥልጣን አይሰጥም፡፡ማንንም አይኮንንም፡፡ ይፈርድ ዘንድ ከተገደደ ፍርዱ የጭካኔ አይሆንም፡፡

አቡነ ሺኖዳ የመንፈስ ፍሬዎች ገጽ 96